Jọsua 2:2 - Edo Bible (E Baibol Ẹdo) Version 1996

² Ọba Jẹriko keghi họn ẹmwẹ na wẹ ivbi Izrẹl eso rri ẹvbo na nasọn ne iran do ba otọe na ghe.

Jọsua 2:2 Iomraidhean Croise

Psalm 127:1

A deghẹ Nọyaẹnmwa ma bọ owa, te iran ni bọ ẹe winna kẹkan. A deghẹ Nọyaẹnmwa ma rhie ẹvbo lẹre, te iran ni khẹ odẹ khẹ ọre kẹkan.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Aizaia 43:13

Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:3

Ẹre ọ na gie ne a khama Rehab wẹẹ, “Emwa ni di owa ruẹ ya, te iran rre do gualotọ otọe na hia! Viọ iran ladian!”

Giọgis 18:2

Ẹre ivbi e Dan na zẹ arhin isẹn ni kẹ re vbe avbe ẹgbẹe ni rre ẹwae nii, iran keghi gie iran ke Zora kevbe Estao gha khian wẹ ne iran ya la otọe ni ne iran vbe ba ẹe ghee. Ọ re iran na gha rrie ẹvbo oke ọghe Ifreim, iran na di owa Maika ya.