Jọsua 2:16 - Edo Bible (E Baibol Ẹdo) Version 1996

¹⁶ Okhuo nii keghi tama iran wẹẹ, “Wa lẹ gha rrie ẹvbo uhunmwu oke, a deghẹ ẹi re erriọ, obọ ibiẹka ọba gha vba uwa, wa ghi lẹre la ikpẹdẹ eha iran te do werriegbe rre. Iyeke ọnii, wa sẹtin lele odẹ uwa gha khian.”

Jọsua 2:16 Iomraidhean Croise

Psalm 11:1

E Nọyaẹnmwa ọ re I mu ẹtin yan ne ọ wan ẹbe yo mẹ. Te uwa kọẹn ne uwa na tama mwẹ wẹẹ, “Tin zẹvbe ahianmwẹ, gha rriẹ uhunmwu oke.

Jems 2:25

Erriọ ọghe Rehab ne ebabotu vbe gha ye. Emwi ne ọ ru ọre a ya ka ẹe ye ne ọ mudia ẹse vbe odaro Osanobua, ne ọ na miẹn iran yi ighẹ emwa ne avbe Ju giẹre uhunmwu, ne ọ na ma iran odẹ ọvbehe la gha rrie.

Jọsua 2:15

E Rehab keghi rre owa ne a wa bọ ginna ekẹn ne a gbe ga ẹvbo nii. Rhunmwuda ọnii, ọ keghi ya irri munọ iran la ewindo tuorre.

Jọsua 2:22

Rhunmwuda ọnii, avbe ọrhẹ nii keghi la uhunmwu oke ya lẹre. Ibiẹka ọba keghi ya ikpẹdẹ eha gualọ iran lele iwewe ẹvbo nii hia, iran ma miẹn ọmwa rhọkpa, rhunmwuda ọnii, iran na dọlegbe gha rrie Jẹriko.

I Samuẹl 23:14

E Devid keghi ya lẹre ye ẹvbo uhunmwu oke ne oha vbe ọkpẹn e Zif. E Sọl kegha hia vbe odẹikodẹ ne obọ irẹn vba ẹre, sokpan Osanobua ma rhie ẹre ne ẹẹn.

I Samuẹl 23:29

E Devid keghi kpao gha rrie otọ Ẹngẹdi, ọ na ya lẹre ye evba.