Jọsua 2:12 - Edo Bible (E Baibol Ẹdo) Version 1996

¹² Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Jọsua 2:12 Iomraidhean Croise

Gẹnẹsis 21:23

Rhunmwuda ọnii, yan vbe emwana nian vbe odaro Osanobua wẹẹ u i ra rẹrẹ mwẹ, ra ivbi mwẹ, ra uniẹn mwẹ. Te I wa rhiegba ye ẹmwẹ ruẹn, rhunmwuda ọnii, yan ighẹ u gha vbe gha rhiegba ye ẹmwẹ mwẹ, ke ye ẹmwẹ otọe na ne u ye.”

Gẹnẹsis 24:3

I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

Gẹnẹsis 24:9

Ẹre ọguọmwadia nii na viọ obọ ẹre ye akharha Ebraham ne arowa ẹre, ọ na yan wẹẹ rẹn gha ru zẹ vbene Ebraham nọ rẹn.

Gẹnẹsis 40:14

Sokpan emwi hia gha ma nuẹn nẹ, u ghi ye mwẹ rre o, u ghi vbe ru ọmwa esi sẹrriọ ne u te ẹmwẹ mwẹ ma e Fero, ne a mu mwẹ hin uwu eghan na rre.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Ẹsta 8:6

Vbia ra ru hẹ, a deghẹ emwi dan na sunu vbe egbe emwa mwẹ, a na vbe gbele avbe etẹn mwẹ.”

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Iyẹn ne ọ Maan Ọghe Mak 14:44

Ọgueva nii rhie ama ne iran wẹẹ, “I gha ya unu soso ọmwa ne uwa gualọ khian unu, wa mu ẹn, ne uwa ghae ga ẹre mu ẹn gha rrie.”

Ebe ne Pọl gbẹẹn gie emwa Rom 1:31

Iran ghi gha gbe alama oghẹ, iran i mu eyan iran sẹ, iran i tohan ọmwa rhọkpa.

I Timoti 5:8

Sokpan, a deghẹ ọmwaikọmwa ma gbe aro ghe emwa rẹn, kpataki iran ni re etẹn ọnrẹn, ọ fi iyeke gbe nene iyayi nẹ, ọ wa rhia sẹ ne ọ ma yayi.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jọsua 2:13

Wa ghi gie erha mwẹ, iye mwẹ, etẹn mwẹ, ne ikpia kevbe etẹn mwẹ ne ikhuo kevbe ẹgbẹe iran hia miẹn uhunmwu! Wa ghẹ gia gbele ima an.”

Jọsua 2:18

U ghi danmwẹ ehọ. Ma gha mu okuo sẹ ẹvbo ruẹ, u ghi de irri ne ọ baa na ye ewindo ne u nu ima la tuorre na. U ghi koko avbe erha a, iyuẹ, etuẹn ne ikpia, kevbe ẹgbẹe erha hia ye owa ruẹ.

Jọsua 2:19

Ọmwa gha kpao vbe owa ruẹ rre, ọ na la ore, rẹn ọ re ọ ra ya uhunmwu hẹ ẹmwẹ uwu ẹre, a i vbe kae ye ima urhu; sokpan deghẹ emwi ru ọmwaikọmwa ni rre owa ruẹ, urhu ima ọ re ọ ye.

Jọsua 6:22

E Jọsua keghi tama avbe ikpia eva ni ya ru ọrhẹ nii wẹẹ, “Wa gha rrie owa ebabotu nii, wa ya viọ irẹn kevbe emwa owa ẹre ladian, zẹ vbene uwa yan ma rẹn.”

Jọsua 9:15

Ẹre Jọsua na gu iran vẹn ihẹn ọse, ọ na vbe gu iran ta ile ne gbain wẹ, iran gha gie iran gha rre agbọn. Avbe ọkaolotu ivbi Izrẹl keghi ya ekhọe hia yan eyan ma iran.

Giọgis 1:24

Iran ghi miẹn okpia ọkpa ne ọ ladian, iran keghi tama ẹnrẹn wẹẹ, “Tama ima ehe ne a la la ẹvbo na, ma i ra vbe ruẹ emwi ikuan egbe rhọkpa.”

I Samuẹl 30:15

E Devid keghi nọ rẹn wẹẹ, “U gha ya ma mwẹ ehe ne iran ni khọn okuo na ye ra?” Rẹn keghi wanniẹn wẹẹ, “I gha yọ adeghẹ u ya eni Osanobua yan ma mwẹ u i ra gbe mwẹ uan ra ne u dọlegbe rhie mwẹ ne arowa mwẹ.”