Jọsua 2:11 - Edo Bible (E Baibol Ẹdo) Version 1996

¹¹ Ọwarọkpa vbe ima họn ẹn, ohan kegha mu ima, egbe na wọ edọmwadẹ ọghọe. Osanobua uwa, e Nọyaẹnmwa ọrọre Osanobua vbe ẹrinmwi kevbe agbọn.

Jọsua 2:11 Iomraidhean Croise

I Ọba 8:60

Erriọ, ọ re ẹvbo ni rre otọ agbọn hia gha na do rẹn wẹ, e Nọyaẹnmwa ọkpa ọrọre Osanobua, ọvbehe i rrọọ.

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

Nehimaia 6:16

Avbe eghian mwa ni rre ẹvbo ni lẹga ghi họn vberriọ, ekhue keghi mu iran, rhunmwuda, dọmwadẹ ọghọe rẹnrẹn wẹ iyobọ Osanobua ọ re a ya winna iwinna na.

Ẹsta 8:17

Ehe ne a rhirhi na tie ẹmwẹ ne ọba tae na, vbe avbe ore nekhua kevbe iyaẹvbo, avbe Ju ghi zobọ vbe iwinna, iran ghi ya oghọghọ titi ẹe deba ọyẹnmwẹ. Vbe ẹmwata, emwa ni bun ọvbehe keghi degbe la e Ju rhunmwuda te ohan iran ghi mu iran.

Psalm 102:15

Avbe uhunmwu ẹvbo gha mu ohan e Nọyaẹnmwa, avbe ọba agbọn hia gha mu ohan ẹtin ẹnrẹn.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Psalm 58:7

Te a gha ho iran bẹkun vbe amẹ ne ọ lẹ kua. Te iran gha guọghọ ua vbe irunmwu ne ọ rre adesẹ odẹ.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Ẹksọdọs 15:14

Avbe okpẹvbo họn ẹn, iran keghi guọ zẹzẹzẹ ne ohan; ohan keghi mu avbe emwa Filistia.

Ẹksọdọs 15:15

Banbanna nian, avbe ekhaẹmwẹ nii rre Idọm runraẹn nẹ, okpemwa nii rre Moab guọ nẹ. Egbe fu emwa hia nii rre Kenan,

Aizaia 13:7

Obọ edọmwadẹ ọghọe gha luẹluẹ ginna ẹre egbe, ẹtin gha fo edọmwadẹ ọghọe.

Aizaia 19:1

Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.

Ezikiẹl 21:15

Ọ gie ẹtin wa fo avbe emwa mwẹ iran ghi vbe gha rrua owẹ. I gha ye umozo ne ọ fi wain vbe ayan, yan gie ẹvbo nii, umozo ne ọ vbe mu egbe ne ọ ya gbe emwi.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Diuteronomi 1:28

Vbọzẹ ne ima gha na gha rrie evba. Ohan mu mwa. Emwa ne ima gie werriegbe rre do tama ima ighẹ emwa ni rre evba wegbe, iran kọnkọn sẹ ima. Iran wẹ ẹvbo ne a gbe ekẹn ne ọ yo sẹ iso gaa ọ re iran ye. Iran vbe miẹn avbe arhuanran vbe evba.’

Diuteronomi 20:8

“Avbe ekaolotu ghi vbe tama emwa ni wẹẹ, ‘Arhin eso rre emwa ra ne obọ ẹre i ghi guọ emwi, ne ohan vbe mu? Adeghẹ ọ rrọọ ọ sẹtin gha rrie owa, ne ọ ghẹ kọ ohan ye emwa nekpa ekhọe.’

Diuteronomi 4:39

Rhunmwuda onii nian, wa yerre, wa ghẹ mianmian, e Nọyaẹnmwa ọrọre Osanobua vbe ẹrinmwi kevbe agbọn, Osanobua ọvbehe i rrọ.

Jọsua 14:8

Sokpan, emwa ni lele mwẹ gha khian keghi zẹ afianma ye emwa egbe, mẹ keghi ye ẹko ata họn ẹmwẹ ne Nọyaẹnmwa Osanobua mwẹ.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Jọsua 7:5

Obọ avbe eghian keghi vba arhin ehan yan ọgban vbe uwu iran. Iran keghi khulo ivbi Izrẹl ke onurho ẹvbo nii kpao do sẹ ehe ne a na guọghọ okuta ya bọ owa, iran na gha gbele iran lele odẹ dee vbe ne a ya tuorre vbe oke nii. Ohan keghi suẹn gha mu ivbi Izrẹl ẹtin na fo iran.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

Arhie Maan 6:16

Iran kegha go tie avbe oke ni yo kevba avbe okuta nekhua wẹ, “De rhu ima ne u rhie ima lẹre hin aro ọmwa nii, ne ọ tota ye ẹkete, kevbe hin izohu oteghe Ohuan nii.