Jọsua 18:3 - Edo Bible (E Baibol Ẹdo) Version 1996

³ Ẹre Jọsua na tama ivbi Izrẹl wẹẹ, “Vbe uwa khian kpẹe sẹ hẹ yi wa ke ya mu otọe ne Nọyaẹnmwa ne Osanobua erha uwa odede mu ne uwa?

Jọsua 18:3 Iomraidhean Croise

Itan 10:4

Ogue ọ re oroho si ye ọmwa egbe, sokpan, a ye obọ mu, ọ re ẹfe la rre.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 15:19

U gha re ọmwa ne ọ si oroho, ọlọghọmwa ọ re u ra gha miẹn vbe ehe hia; sokpan, adeghẹ ọmwa esi ọ re u khin, u i vbe miẹn orueghe rhọkpa.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Zẹfanaia 3:16

Ẹghẹ dee ne iran gha na tama e Jerusalẹm wẹẹ, “Ghẹ mu ohan, okpẹvbo e Zaiọn! Ghẹ gie obọ ruẹ luẹluẹe ua!

Matiu 20:6

Ọ ghi bu ẹghẹ ne ẹgogo isẹn ra ya tu, ọ keghi vbe dọlegbe gha rrie ẹki, ọ keghi vbe do vba emwa eso ni mudia vbe evba. Ọ nọ iran wẹẹ, ‘vbọzẹ ne uwa i na mwẹ emwi ọkpa ne uwa rhie ru ẹre yi?’

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 13:1

E Jọsua keghi wa khian ọmaẹn ẹsẹse, e Nọyaẹnmwa keghi tama rẹn wẹẹ, “U khian ọmaẹn nẹ ẹsẹse, sokpan avbe ẹvbo ne a ra ye khọn wa ye bun.

Jọsua 18:2

Ọ keghi ye ke ẹe ẹwae ihinrọn ne a ma he mu otọe na vbe ivbi Izrẹl.

Jọsua 18:4

Wa zẹ arhin eha ke ẹwae ọkpọkpa gun mwẹ. I gha wẹ ne iran ya lele otọe ni hia gaa ne iran vbe gbẹnnẹ ebe ya gie ẹre ighẹ egbe emwi ne iran gha ho ne iran gha mwẹ vbe ọghe iran, ne iran bu mwẹ gha dee.

Giọgis 18:9

Iran wanniẹn wẹẹ, “Giẹgiẹ, wa gia ya khọn Lais. Ma miẹn otọe vbe evba, ọ keghi wa vbe maa ẹsẹse. Wa ghẹ tota vbe emwa vbe na i na ru emwi rhọkpa, ẹgiẹgiẹ! Wa la rọ ne uwa ya mu ẹẹn.