Jọsua 16:9 - Edo Bible (E Baibol Ẹdo) Version 1996

⁹ Deba avbe okpẹvbo kevbe avbe igue ni gha rre uwu otọe Manasẹ ne a viọ ne emwa Ifreim.

Jọsua 16:9 Iomraidhean Croise

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

I Krọnikol 7:28

Otọe ne iran mu ne iran vbe yin kegha re Bẹtẹl kevbe avbe okpẹvbo nii lẹga ẹre ya sẹ Naaran ne odẹ ahọ kevbe e Gẹzẹ ne odẹ orrie kevbe avbe okpẹvbo ni lẹga ẹre, avbe okpẹvbo Siẹkẹm kevbe Aya kevbe okpẹvbo ni lẹga iran kevbe rre ne usun.

Jọsua 16:10

Sokpan, iran ma khulo ivbi e Kenan, iran ye gu ivbi Ifreim rrọọ do sẹ ẹdẹnẹrẹ na sokpan te a ghi ya ẹtin vbe iwegbe ya iran gha winna zẹ vbe eviẹn.

Jọsua 16:8

Ehe ne ọ lae vbe obọ orrie keghi la Tapua gha rrie ẹzẹ Kana, ọ na khui uhunmwu vbe Okun Meditẹrrenian. Ọnọna ọrọre otọ ne a mu ne avbe ẹgbẹe ni rre ẹwae Ifreim ne ọ gha re ọghe iran.

Jọsua 17:9

Uwu keghi ya la ovbi ẹzẹ Kana. Avbe ẹvbo na ni rre odẹ ekẹn, Ifreim ọ re ọ yan iran, iran rhe re usun ẹvbo otọ Manasẹ. Eke ne otọe Manasẹ lae keghi lele odẹ okuọ ẹzẹ nii, ọ na ya khui, ehe ne ọ sẹe vbe odẹ orrie kegha re Okun e Meditẹrrenian.