Jọsua 16:2 - Edo Bible (E Baibol Ẹdo) Version 1996

² ọ keghi ke Bẹtẹl gha rrie Luz, ọ na la evba gha rrie Atarọt Ada ehe ne avbe Aki gha ye.

Jọsua 16:2 Iomraidhean Croise

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

II Samuẹl 15:32

E Devid ghi sẹ uhunmwu oke, ehe ne ihọkpa ne a na ru ugamwẹ ye, ọsiọre ne ọ mu ẹtin yan ighẹ Husiai ne ovbi Akit keghi do vba ẹre ke ẹe kevbe ukpọn nẹ a yanghaẹn kevbe iku vbe uhunmwu.

II Samuẹl 15:37

Ẹre Husiai ne ọ re ọse Devid na wa dọlegbe sẹ ore ẹvbo vbe ẹghẹ ne Absalọm wa vbe ya rre zẹẹ.

II Samuẹl 16:16

Ugbẹn vbe Husiai ne ọse Devid ne ọ mu ẹtin yan ghi miẹn Absalọm, ọ tama rẹn wẹẹ, “Ọba gha tọ, ọ kpẹre! Ọba gha tọ, ọ kpẹre!”

I Krọnikol 27:33

Ahitofẹl kegha re ne ọ gu ọba ziro, e Husiai ne ọmwa Aki kegha re ẹse ọba kevbe ne ọ gu ẹe zẹ iro.

I Krọnikol 7:28

Otọe ne iran mu ne iran vbe yin kegha re Bẹtẹl kevbe avbe okpẹvbo nii lẹga ẹre ya sẹ Naaran ne odẹ ahọ kevbe e Gẹzẹ ne odẹ orrie kevbe avbe okpẹvbo ni lẹga ẹre, avbe okpẹvbo Siẹkẹm kevbe Aya kevbe okpẹvbo ni lẹga iran kevbe rre ne usun.

Jọsua 18:13

Ehe ne ọ lae kevbe laghe odẹ ekẹn ghe ẹvbo Luz, ghe iya Luz (ne avbe tie ẹre Bẹtẹl) ọ na ghi vbe la ghe ototọ ya sẹ Atarọt Ada ne ọ rre uhunmwu oke vbe odẹ ekẹn ọghe Bẹt-horọn ne ọ ke ototọ.