Jọsua 15:3 - Edo Bible (E Baibol Ẹdo) Version 1996

³ Ọ keghi vbe niẹn ghe odẹ ekẹn ke Akrabim Pas kpao wa ya sẹ Zin. Ọ na niẹn obọ ghe odẹ ekẹn gha rrie Kedẹs Bania, ọ keghi fian Hẹzrọn rra gha rrie Ada, ọ keghi vbokho ghe odẹ Kaka,

Jọsua 15:3 Iomraidhean Croise

Gẹnẹsis 14:7

Iran keghi fi ọdelegbe, iran na gha die Kedẹs (Enmispat ọre a tie ẹre ẹghẹ nii), iran keghi khọn otọ Amẹlẹk hia muotọ kevbe ọghe Amọn ni rre Hazazọn-tama.

Nọmbas 20:1

Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre.

Nọmbas 32:8

Erriọ avbe erha uwa vbe ru ẹghẹ ne I na gie iran ke Kedẹs Bania gha khian ne iran ya ghe otọe nii ghe.

Nọmbas 34:4

Ọ ghi la ghe igọgọ ekẹn gha rrie odẹ Akrabim Pas, ọ ghi ye gha khian ya sẹ Zin vbe odẹ ekẹn gban-an ya sẹ Kedẹs Banian. Ọ ghi ke evba rhie uhunmwu da odẹ okuọ ya sẹ Haza Ada gha rrie Azmọn.

Jọsua 15:2

Uwu ne ọ rre odẹ ekẹn na, odẹ ehe ne Okun Nọwu sẹe vbe odẹ ekẹn ọ re ọ ke kpao.

Jọsua 15:4

ọ na gha rrie Azmọn, ọ na wa lele ẹzẹ ne ọ rre ehe ne Igipt lae gha rrie Okun Meditẹrrenian. evba ọre ọ ghi sẹ. Ọnii keghi re ehe ne otọe Juda lae vbe odẹ ekẹn.

Giọgis 1:36

Ehe ne otọe Idọm lae keghi ke Ada Akrabim kpao la ghe odukhunmwu gha rrie okuo e Sẹla.