Jọsua 15:2 - Edo Bible (E Baibol Ẹdo) Version 1996

² Uwu ne ọ rre odẹ ekẹn na, odẹ ehe ne Okun Nọwu sẹe vbe odẹ ekẹn ọ re ọ ke kpao.

Jọsua 15:2 Iomraidhean Croise

Gẹnẹsis 14:3

Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na.

Aizaia 11:15

E Nọyaẹnmwa gha ka e Suẹz muotọ, ọ ghi ya ẹhoho ne ọ mwẹ ọghae ka Ẹzẹ Yufretes muotọ ọ ghi sẹ ivbiẹzẹ tẹghẹtẹghẹ kẹkan rae sẹrriọ wẹ ọmwaikọmwa sẹtin ye owẹ fian ẹn rra.

Ezikiẹl 47:18

“Ehe ne ọ lae vbe odẹ ahọ keghi ke ihọkpa vbe ẹkpo otọe Damaskọs kevbe Hauran, vbene Ẹzẹ Jọdan na gha re uwu ne ọ rre ẹkpo Izrẹl vbe odẹ orrie kevbe Giliad vbe odẹ ahọ rhinrin ya se e Tama vbe uwu Okun Nọwu.

Ezikiẹl 47:8

Rẹn keghi tama mwẹ wẹẹ, “Ẹzẹ na, te ọ wa lẹẹ la odẹ ahọ la otọe na hia gha rrie Iya e Jọdan gha rrie Okun Nọwu, ọ keghi ya ye amẹ ne ọ gie a wọn rhie ihe amẹ umwẹ ne ọ te rre ẹzẹ nii.

Nọmbas 34:3

Odẹ ekẹn ne ọ rrọọ ghi ke ẹgbo e Zin lele ehe ne otọe Idọm lae gha dee. Ọ ghi suẹn vbe odẹ ekẹn ọghe okun nọwu.

Jọsua 15:1

Ehe ne a mu ne avbe ẹgbẹe Juda keghi re eso vbe ehe ne a ra gie na: nene otọ ke ya sẹ ehe ne Idọm lae vbe odẹ ekẹn, wa ya sẹ ato ọghe Zin vbe ehe ne ọ na dinmwi sẹẹ vbe odẹ ekẹn.

Jọsua 15:3

Ọ keghi vbe niẹn ghe odẹ ekẹn ke Akrabim Pas kpao wa ya sẹ Zin. Ọ na niẹn obọ ghe odẹ ekẹn gha rrie Kedẹs Bania, ọ keghi fian Hẹzrọn rra gha rrie Ada, ọ keghi vbokho ghe odẹ Kaka,

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.