Jọsua 13:9 - Edo Bible (E Baibol Ẹdo) Version 1996

⁹ Otọe iran keghi ke Aroẹ (vbe ehọ Iya Anọn) kpao deba ẹvbo ne ọ rre adesẹneva iya nii, kevbe otọe oke ne ọ rriẹe ọghe Mẹdeba hia ya sẹ Dibọn.

Jọsua 13:9 Iomraidhean Croise

II Samuẹl 24:5

Iran keghi fian e Jọdan rra, iran na bu agọ ye odẹ ekẹn Aroa, ne ẹvbo ne ọ rre iya vbe otọ e Gad. Evba iran keghi kpao gha rrie odẹ okuọ vbe Jeza,

I Krọnikol 19:7

Ikẹkẹ okuo arriaisẹn evayan ọgban (32,000) ne iran mọmọ ẹn deba ivbiyokuo ọba ọghe Maka keghi bu agọ ye ọkpẹn Mẹdeba. Ivbi Amọn hia kevbe ke ẹvbo iran hia ladian iran na mu egbe igbinna.

Nehimaia 11:25

Nibun vbe uwu avbe emwa na keghi yin ẹvbo ni diake ugbo iran. Iran ni re ivbi uniẹn e Juda kegha rre kirriat Aba, e Dibọn kevbe Jekabzil kevbe avbe igue ni rre ọkpẹn avbe ore nekhua nii.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Jerimaia 48:18

Wa ni rre Dibọn, wa ke ukpo uyi uwa tuorre, ne uwa tota ye ebubẹ vbe otọ. Ọmwa ne ọ fuẹn Moab ua rre emwa na, ọ keghi ye avbe owa ọkhẹ ẹre khian itowa.

Jerimaia 48:22

e Dibọn, e Nebo, e Bẹt, e Diblateim,

Jerimaia 48:8

Ẹvbo okpa ne ọfuan ni ra la ban, ẹi rrọọ ke oke kevbe ugboghodo, te a ra fuẹn ehia a. Mẹ ne Nọyaẹnmwa taa ẹe nẹ.

Nọmbas 21:30

Sokpan, banbanna nian, a fuẹn ivbi uniẹn iran an kevbe Hesbọn wa gha dee do se Dibọn kevbe Nasim ya sẹ Mofa vbe ọkpẹn Madeba.”

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Diuteronomi 3:16

I keghi mu ikinkin otọe ne ọ ke Giliad yasẹ Ẹzẹ Anọn ne ẹwae Riubẹn kevbe Gad. Ehe ne otọe iran sẹe vbe odẹ ekẹn keghi re adesẹneva ẹzẹ nii, ehe ne ọ la ẹe vbe odẹ okuọ kevbe gha rrie Ẹzẹ Jabọk, ihe eso vbọ kevbe gha re ehe ne otọe Amọri sẹe.

Jọsua 12:2

Saihọn ọba avbe ivbi Amọri ne ọ gha rre Heshọn, otọ arriọba ẹre keghi ke Aroẹ vbe ọkpẹn Iya ọghe Anọn, kevbe ke adesẹneva iya ni kpao, rhinrin ya sẹ Ẹzẹ Jabọk, ehe ne otọ Ammọn sẹe (ena kegha re vbe a wa otọe Gilian ye ihe eva).

Jọsua 13:10

Otọe hia ne Saihọn ne ọba emwa Amọri kha yan (ọmwa ne ọ gha rre Hesbọn) rhinrin ya sẹ ehe ne otọe Amọri sẹe, keghi rre uwu ẹre.

Jọsua 13:16

Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Jọsua 13:8

A keghi mu otọe ne ẹwae Riubẹn, Gad kevbe obọkpa vbe ẹwae Manasẹ, vbe odẹ ahọ ọghe Jọdan. Ọnii ọ re Mosis ne ọguọmwadia e Nọyaẹnmwa mu ne iran.