Jọsua 13:4 - Edo Bible (E Baibol Ẹdo) Version 1996

⁴ Ghe odẹ ekẹn, ẹvbo avbe emwa Kenan hia, kevbe Miara (ne ọ re ọghe emwa Saidọn) ya sẹ Afẹk, ya sẹ ehe ne otọe Amọri lae.

Jọsua 13:4 Iomraidhean Croise

I Ọba 20:26

Orhọ nọkpa ghi wa da suẹn, ọ keghi si emwa rẹn koko, gu ivbi Izrẹl gbinna.

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

Ezikiẹl 16:3

Tama e Jerusalẹm, emwi ne Nọyaẹnmwa tama rẹn na wẹẹ: “Otọe Kenan ọ re a na biọ. Ovbi Amọri ọre erha gha khin, iye uẹ ke gha re ovbi e Hiti.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 11:3

Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 12:18

Afẹk, Lasiarọn,

Jọsua 19:30

Uma, Afẹk, kevbe Rehọb, okpẹvbo evayanugie kevbe avbe ẹvbo ni lẹga iran.

I Samuẹl 4:1

Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.