Jọsua 11:6 - Edo Bible (E Baibol Ẹdo) Version 1996

⁶ E Nọyaẹnmwa keghi tama e Jọsua wẹẹ, “Ghẹ gie ohan iran mu uẹn, vbe ọ te sẹ ẹghẹ na akhuẹ, I gha gbele iran hia fo ne ivbi Izrẹl. Wa ghi kun avbe ẹsin iran use, wa ghi giẹn ikẹkẹ okuo iran an.”

Jọsua 11:6 Iomraidhean Croise

II Samuẹl 8:4

E Devid keghi khọn munọ arhin iyisẹn yan arria erẹnrẹn (1,700) vbe uwu iran ni hin ẹsin ẹnrẹn kevbe arriaisẹn ugie (20,000) vbe ivbiyokuo nii ya owẹ khian, ọ keghi vbe ya ẹsin nii si ikẹkẹ okuo ẹre khian uke, ọ na viọ ẹsin nii gha sẹtin si ikẹkẹ okuo iyisẹn (100) ye otọ vbọ.

II Ọba 6:16

Elaisia keghi wanniẹn wẹẹ, “Ghẹ gie ohan mu ẹẹn emwa ni rre otu ima ọre ọ bun sẹ ni rre otu iran.”

II Krọnikol 20:16

Iran gha la odẹ e Ziz de akhuẹ, wa gu iran gbinna. Wa gha vba iran vbe ufomwẹ iya nii ne a la yo otọe ẹgbo ne ọ rre ọkpẹn Jeruẹl.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Itan 20:7

Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Aizaia 30:16

Wa keghi kun ẹẹn ne uwa hin ẹsin ni rhulẹ ẹsẹse lẹ fua vbe obọ eghian uwa. Ẹmwata wa nọ, ulẹ ọ re uwa gha lẹẹ, wa ro wẹ avbe ẹsin uwa wa rhulẹ ẹsẹse, sokpan iran ni khu uwa khian gha rhulẹ sẹẹ.

Aizaia 31:1

Ọ ghe iran ni ya gha nọ iyobọ vbe Igipt fo. Emwi igbinna ọrhẹnrhẹn ne Igipt mwẹ ọ re iran mu ẹtin yan, avbe ẹsin, ikẹkẹ okuo kevbe ivbiyokuo sokpan iran ma mu ẹtin yan e Nọyaẹnmwa, ne Osanobua nọhuanrẹn ọghe Izrẹl, ra ne iran nọ iyobọ vbe obọ ẹre.

Ezikiẹl 39:9

Avbe emwa ni rre avbe ore nekhua Izrẹl gha ladian ya rhọ emwi igbinna ne emwa lẹ hẹ kua ya ru erhan ne a ya koko. Iran gha ye avbe asa, uhanbọ, ifẹnmwẹ, asoro, kevbe orhokhua koko erhẹn, ọ gha vbe sẹ iran ya koko erhẹn la ikpẹdẹ ihinrọn.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Jọsua 10:8

E Nọyaẹnmwa ke tama e Jọsua wẹẹ, “Ghẹ gie ohan iran muẹn. I rhie akhọnmiotọ nuẹn nẹ. Ọkpa vbe uwu iran ne ọ gha sẹtin gbe uwa odẹ, ẹ i rrọọ.”

Jọsua 11:5

Avbe ọba nii hia keghi ku obọ gbe, iran keghi do si egbe koko ye agọ ọkpa vbe ọkpẹn Ẹzẹ Mẹrọm, ne iran gu ivbi Izrẹl gbinna.

Jọsua 11:7

Rhunmwuda ọnii, e Jọsua kevbe emwa rẹn na dekun iran vbe a ma ro a ma kọ vbe uhunmwu Ẹzẹ Mẹrọm.

Jọsua 11:9

E Jọsua keghi ru iran vbe ne Nọyaẹnmwa khare: ọ keghi kun ẹsin iran use, ọ na giẹn ikẹkẹ okuo iran an.

Jọsua 3:5

E Jọsua keghi tama emwa ni wẹẹ, “Wa họnmwẹ egbe rhunmwuda vbe ẹdẹ ne akhuẹ, e Nọyaẹnmwa gha ru emwi nọkhua vbe uwu ẹbu uwa.”

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.

I Samuẹl 11:9

Iran keghi khama emwa ne iran gie ke Jabẹs rre wẹẹ, “Tama emwa ruẹn wẹ ọ te sẹ ẹghẹ ogiavan akhuẹ, a gha miẹn iran fan.” Ẹko emwa Jabẹs keghi wa rhiẹnrhiẹn uan vbe a ta ẹmwẹ na ma iran.