Jọsua 11:4 - Edo Bible (E Baibol Ẹdo) Version 1996

⁴ Iran keghi viọ ivbiyokuo iran hia gha dee, ivbiyokuo ne emwa nii viọ rre wa bun vba ekhae ni rre ọkpẹn okun. Iran keghi vbe mwẹ ẹsin ni bun kevbe ikẹkẹ okuo ni bun ẹsẹse.

Jọsua 11:4 Iomraidhean Croise

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 32:12

Yerre vbene u yan hẹ wẹẹ, ‘I gha gie emwi hia gha ma nuẹn, I gha vbe viọ ivbi uniẹn ruẹn nuẹn, a i ra sẹtin ka iran. Iran gha bun vbe ekhae ni rre ọkpẹn okun.’ ”

II Samuẹl 17:11

Iro ne imẹ zẹe ọrọre wẹ ne u si ivbi Izrẹl hia koko, ke ehe ne ẹvbo sẹe vbe obọ na, ya sẹ obọ nọkpa, iran ni ye vbe ekhae ni rre ọkpẹn okun vbe ubunmwẹ, wẹ ghi tobọ viọ iran gha rrie okuo.

I Ọba 4:20

Ivbi e Juda kevbe Izrẹl kegha bun zẹ vbe ikpekhae ni rre ọkpẹn okun, iran kegha re, iran na gha da, ẹko kegha sẹ ehia ọyẹnmwẹ.

Psalm 20:8

Emwa vberriọ gha rrua owẹ, iran ghi dele, sokpan ma gha kpaegbe, ma ghi mudia kpasi.

Jọsua 11:5

Avbe ọba nii hia keghi ku obọ gbe, iran keghi do si egbe koko ye agọ ọkpa vbe ọkpẹn Ẹzẹ Mẹrọm, ne iran gu ivbi Izrẹl gbinna.

Giọgis 7:12

Ivbi e Midian, Amẹlẹk kevbe iran ne ẹwae ni rre uwu ato keghi wa gba iya nii zẹ vbe irhiso, iran keghi vbe mwẹ ekẹtẹkẹtẹ ni bun zẹ vbe ekhae ni rre ọkpẹn okun.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.