Jọsua 11:3 - Edo Bible (E Baibol Ẹdo) Version 1996

³ Rẹn keghi vbe gie uhunmwu gie ivbi e Kenan ni rre obọ eveva ọghe Jọdan, gie Amọri, Hiti, Pẹriz, Jebus vbe ẹvbo uhunmwu oke kevbe emwa Hivi ni rre ototọ Oke Hẹmọn vbe otọ Mispa.

Jọsua 11:3 Iomraidhean Croise

Gẹnẹsis 31:49

E Leban keghi kha wẹẹ, “Te Nọyaẹnmwa gha a ghe ima vbe ima a ghi wannegbe nẹ.” A na vbe gha tie eni ẹnrẹn Mizpa.

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

II Samuẹl 24:7

Iran keghi vbe la ghe odẹ ekẹn ya sẹ e Taia ne ẹvbo ne a gbe odin gaa, iran keghi ya la ẹvbo avbe Hivi kevbe Kenan, vbe okiekie ehia, iran na ya sẹ biẹsiẹba vbe odẹ ekẹn Juda.

I Ọba 15:22

Ẹre Asa ne ọba na gie ne a tama emwa ni rre Juda hia vbene a i na vbe sẹ ọkpa rae vbọ ne iran ya la okuta ni rre Rama ke ẹe kevbe igẹdu ne Baasia te ya gha gbe ekẹn lẹga ẹre. Asa keghi ya avbe emwi na gbe ekẹn lẹga Mizpa kevbe Geba, ẹvbo ọkpa vbe otọ e Bẹnjamin.

I Ọba 9:20

Emwa ne Solomọn gha ya ẹtin mu winna kegha re ivbi uniẹn emwa Kenan ne ivbi Izrẹl ma gbele ua ẹghẹ ne iran na khọn mu otọ iran. Ne usun ọ re iran ye ighẹ Amọri, Hiti, e Pẹriz, e Hivi kevbe Jebus ne ivbi iran gha re eviẹn rhinrin do sẹ ẹdẹnẹrẹ na.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Ihuan Ne Ọ Sọọ Ihuan Hia 4:8

Lele mwẹ ke Oke Lebanọn gha dee, ọha mwẹ lele mwẹ ke Lebanọn gha dee. Tuorre ke uhunmwu Oke Amana gha dee ke uhunmwu Oke Sena kevbe Oke Hẹmọn gha dee ehe ne avbe oduma kevbe akpakomiza ye.

Jerimaia 40:10

Mẹ tobọmwẹ gha mudia vbe Mizpa ne I gha ta ne unu uwa vbe ivbi e Babilọn a rre. Sokpan, wa sẹtin gualọ ayọn gha viọ hin rre, kevbe emwiokọ kevbe ofigbọn oliv, ne uwa vbe yin avbe igue ne uwa ye.”

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Jerimaia 41:14

iran fi ọdelegbe, iran na rhulẹe bu iran.

Jerimaia 41:3

Ismaẹl keghi vbe gbele ivbi Izrẹl hia ne iran vbe Gedalaia gba rre Mizpa, kevbe ivbiyokuo e Babilọn ne ọ vbe kee ye evba.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Diuteronomi 4:48

Otọe ne iran ya khian ọghe iran na keghi ke ẹvbo Aroẹ kpao vbe okhiẹ Ẹzẹ Anọn wa gha khian ya sẹ oke Siriọn, onii nọ wẹ ekẹn Hẹmọn.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 11:17

Ke Oke Halek kpao vbe ọkpẹn Idọm ya sẹ Balgad vbe iya ọghe Lebanọn vbe odẹ ekẹn ọghe Oke Hẹmọn, ọ keghi gbele avbe ọba ni rrọọ hia a. Vbe ọ ghi gu iran khọn la ẹghẹ ne ọ taẹn vbe otọ nẹ.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Jọsua 13:11

E Giliad keghi vbe rrọ deba iwewe ne emwa Gẹsiọ kevbe emwa Makati ye, Oke Hẹmọn hia, deba Basian hia ya sẹ Saleka.

Jọsua 13:5

Otọe emwa Gẹbal, otọe Lebanọn ya sẹ odẹ ahọ, kevbe Balgad ne ọ rre ototọ Oke Hẹmọn kpa ya sẹ ehe ne Hamat Pas na suẹn.

Jọsua 15:38

E Dilian, Mispa, Joktil,

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Jọsua 18:26

Mispa, Kiefira, Moza,

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 21:5

Iran keghi nọ wẹẹ, “Vbe uwu ẹwae Izrẹl hia, de ne ọ ma rre do si koko ye odaro e Nọyaẹnmwa vbọ vbe Mizpa?” Iran vbe vẹn ihẹn nẹ wẹ ọmwa ne ọ ma rre do si koko ye odaro e Nọyaẹnmwa vbe Mizpa, te a gha gbe ẹe rua.

Giọgis 21:8

Ẹre iran na nọ wẹẹ, “De ne ọ ma rri ehe ne Nọyaẹnmwa ye vbe Mizpa vbe uwu ẹwae ivbi Izrẹl?” Iran keghi do gualọ ẹe miẹn wẹ ọmwa rhọkpa ma ke Jabẹs ne Giliad rre do gu emwa si koko vbe agọ nii.

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

Giọgis 3:5

Erriọ ọ re ivbi Izrẹl na gbe ẹkun sẹ otọ gha yin vbe uwu ẹbu emwa Kenan, Amọri, Pẹriz, Hivi kevbe Jebus.

I Samuẹl 10:17

E Samuẹl keghi tie emwa nii hia si koko vbe Mizpa ne iran ru ugamwẹ.