Jọsua 11:2 - Edo Bible (E Baibol Ẹdo) Version 1996

² Kevbe gie avbe ọba ni rre ẹvbo ni rre uhunmwu oke vbe odẹ okuọ, vbe Iya ọghe Jọdan vbe odẹ ekẹn ọghe odighi e Galili vbe ẹvbo ni rre ototọ oke vbe eghute vbe ọkpẹn Dọ.

Jọsua 11:2 Iomraidhean Croise

I Ọba 15:20

E Benhadad ne ọba keghi gele kue yọ vbene Asa kha re, ọ keghi gie ọkaokuo ẹre kevbe ivbi iyokuo ẹre ne iran mu igbinna gha rrie Izrẹl. Iran khọn Ijon muotọ, Dan, kevbe Ebel Bẹt Maaka, ne ọ rre otọe hia ni rre ọkpẹn e Galili, ya deba otọe Naftali hia.

I Ọba 4:11

E Benabinadab, ne ọdafẹn Tafat ne ovbi e Solomọn: otọe Dọ hia.

Nọmbas 34:11

Ọ ghi gban egbe ghe odẹ ekẹn ya sẹ Habẹl, odẹ ahọ ya Ain, ọ ghi lele evba ya sẹ oke ne ọ rre odẹ ahọ ọghe ikpogho Okun Galili.

Iyẹn ne ọ Maan Ọghe Luk 1:39

Ọwarọkpa vbe iyeke ọnii, Meri keghi mu egbe, ọ na giẹgiẹ gha rrie ẹvbo ọkpa ne ọ rre uhunmwu oke, vbe otọe Judia.

Iyẹn ne ọ Maan Ọghe Luk 5:1

Ẹghẹ ọkpa vbe Jesu mudia vbe ọkpẹn odighi e Gẹnẹsarẹt, emwa hia kegha sua egbe yo sua egbe rre ne iran miẹn ehe na sikẹ ọre họn ẹmwẹ Osanobua.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 10:6

Ivbi e Gibiọn keghi gie emwa bu e Jọsua vbe agọ vbe Gilgal wẹẹ, “Ghẹ fi iyeke gbe ima enọwanrẹn! Zẹgiẹgiẹ gha dee do yi ma obọ! Miẹn ima fan! Avbe ọba Amọri hia ni rre ẹvbo odẹ uhunmwu oke wa kugbe mu aro igbinna da ima!”

Jọsua 11:16

E Jọsua keghi khọn otọe nii hia, ẹvbo oke nii hia, vbe odẹ okuọ kevbe odẹ ekẹn iwewe avbe otọ Gosiẹn hia, otọe ni kae vbe odẹ ekẹn kevbe Iya Jọdan.

Jọsua 11:21

Ẹghẹ na ọ re Jọsua na gha khian ya fuẹn iran ne arhuanran ighẹ Anakim ni rre uhunmwu oke, vbe Hibrọn, Debẹ, Anab kevbe avbe uhunmwu oke Juda kevbe Izrẹl. E Jọsua keghi wa fuẹn iran kevbe ẹvbo iran an fẹẹrẹ.

Jọsua 12:23

Do (ne ọ rre eghute), Goim (vbe Galili.)

Jọsua 12:3

Ke odẹ ahọ Iya Jọdan kevbe odighi e Galili ghe odẹ Bẹt Gisi-mot, (odẹ ahọ ọghe Okun Nọwu) ghe odẹ ekẹn ya sẹ ẹzi Oke Pisga.

Jọsua 13:27

Ehe ne ọ vbe rrọ vbe iya e Jọdan keghi re Betharam, Betnimra, Sukọt kevbe e Safọn, ehe ne ọ ghi ke ẹe vbe otọe arriọba Saihọn ne ọba Hesbọn. Ehe ne uwu lae keghi re Ẹzẹ Jọdan wa gha rrie odighi vbe odẹ okuọ, otọe na ke ye vbe laghe odẹ ahọ.

Jọsua 17:11

E Manasẹ kevbe yanBẹt-Sian kevbe ẹvbo ni lẹga ẹre vbe otọe Isaaka kevbe Asia kevbe deba emwa ni rre Ibleam vbe Dọ (ẹvbo ne ọ rre eghute ọ re ọ na khin) ne ọ rre Ẹndọ, Tanak, Mẹgido kevbe avbe ẹvbo ni lẹga iran.

Giọgis 1:27

Ivbi ẹwae Manasẹ ma khulo emwa ni rre avbe Bẹt-Sian, e Tanak, e Dọ, Ibleam, e Mẹgido kevbe ẹvbo ni lẹga iran kua. Ivbi e Kenan keghi ye gha rre evba.