Jọsua 10:3 - Edo Bible (E Baibol Ẹdo) Version 1996

³ Ọ re Adonizẹdẹk na gie uhunmwu gha rrie ọghe Hoham ne ọba Hibrọn, Piram ne ọba Jamut, Jafia ne ọba Lakis kevbe Debẹ ne ọba Ẹgiọn wẹẹ:

Jọsua 10:3 Iomraidhean Croise

Gẹnẹsis 23:2

Ọ keghi wu vbe kirriat eba (ra Hibrọn) ne ọ rre otọ kenan. Ebraham keghi wa ẹre ye ukpo, ọ na khiẹ ọre.

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

II Samuẹl 2:11

Rẹn keghi vbe ya ukpo ihinrọn vbe ukhiọnmwẹ gha khaemwisẹ yan iran vbe Hibrọn.

II Ọba 18:14

E Hẹzekaia keghi gie uhunmwu gie Senakẹrib vbe ọ rre Lakis wẹẹ: “I ru emwi khọ nẹ, lahọ dobọ okuo na yi, I gha ha emwi ne u rhirhi fian mwẹ re.” Vbe ewanniẹn, Ọgbaisi wẹ ne Hẹzekaia viọ uwan esiliva arriaisẹn igbe (10,000) gie irẹn kevbe uwan igoru arriaisẹn ọkpa (1,000).

II Ọba 18:17

Ọgbaisi e Siria keghi gie ivbi iyokuo ọrhẹnrhẹn ke Lakis gha dee ne iran do gu a Hẹzekaia gbinna vbe Jerusalẹm, iran keghi ya mu odẹ ne iran ni ru ukpọn na winna mwẹ, evba nii ọ re uvun ne amẹ lẹ la ke uhae ne ọ ke uwu ẹre rre ye.

II Krọnikol 11:9

Adoreim, e Lakis, Azẹka,

Jerimaia 34:7

Vbe avbe ivbiyokuo ọba e Babilọn wa gu ẹvbo ni khọn. Ivbiyokuo keghi wa vbe gha khọn vbe Lakis kevbe Azẹka, ni re ẹvbo eva ni ghi kẹe vbe avbe ẹvbo ne a gbe odin gaa vbe Juda.

Maika 1:13

Wa ni rre Lakis, wa gbalọ ẹsin mu avbe ikẹkẹ okuo. Wa ọ re ọ ya egbe ta orukhọ ivbi Izrẹl wa na vbe gie Jerusalẹm ru orukhọ.

Nọmbas 13:22

Iran keghi ka laghe odẹ ekẹn ẹvbo nii iran ke do sẹ Hibrọn ehe ne ivbi uniẹn iran ye ighẹ avbe Ahiman, Siesia kevbe Talmai ne arhuanran, ẹwae iran na ọ re a tie ẹre Anakin (Ukpo ihinrọn ọre a ka ya bu Hibrọn khẹ Zoan ne ọ rre Igipt.)

Jọsua 10:1

Adonizẹdẹk ne ọba Jerusalẹm keghi họn wẹẹ, e Jọsua khọn Eai, ọ rẹnkhẹn ọẹn ruan fẹẹrẹ, ọ na vbe gbe ọba ne ọ rrọ, zẹ vbene ọ vbe ru e Jẹriko ke ọba ẹre. Ọ keghi vbe họn wẹ emwa Gibiọn vbe gu ivbi Izrẹl vẹn ihẹn ne iran gba gha rre ọfumwegbe kevbe wẹ te iran hia ghi gba rrọọ.

Jọsua 10:23

Iran keghi ru vberriọ, iran keghi viọ avbe ọba Jerusalẹm, Hibrọn, Jamut, Lakis kevbe Aglọn ladian.

Jọsua 10:34

Vbe iyeke ọnii, e Jọsua kevbe emwa rẹn keghi kpao vbe Lakis gha rrie Ẹgiọn iran keghi ghae ga ẹre, iran na dekun ẹnrẹn.

Jọsua 10:5

Avbe ọba Amọri isẹn na, ọba e Jerusalẹm, Hibrọn, Jamut, e Lakis kevbe Ẹgiọn, keghi si koko kevbe ivbiyokuo iran, iran keghi lẹga Gibiọn, iran na suẹn ọnrẹn ne a gu gbinna.

Jọsua 14:15

Vbe ọ te se ẹghẹ na, Aba ne Okpẹvbo ọ re a te tie Hibrọn (Aba ọ re ọ gha re ne ọ kpọlọ sẹ vbe uwu avbe Anakim.) Ọfumwegbe keghi gha rre otọe nii.

Jọsua 15:54

Humta, Hibrọn kevbe Ziọ: ẹvbo ihinrin deba avbe ẹvbo ni lẹga iran.

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Jọsua 18:28

Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.