Jọsua 10:1 - Edo Bible (E Baibol Ẹdo) Version 1996

¹ Adonizẹdẹk ne ọba Jerusalẹm keghi họn wẹẹ, e Jọsua khọn Eai, ọ rẹnkhẹn ọẹn ruan fẹẹrẹ, ọ na vbe gbe ọba ne ọ rrọ, zẹ vbene ọ vbe ru e Jẹriko ke ọba ẹre. Ọ keghi vbe họn wẹ emwa Gibiọn vbe gu ivbi Izrẹl vẹn ihẹn ne iran gba gha rre ọfumwegbe kevbe wẹ te iran hia ghi gba rrọọ.

Jọsua 10:1 Iomraidhean Croise

Gẹnẹsis 14:18

E Mẹlkizẹdẹk ne ọba Salẹm kevbe ne ọ vbe re ohẹn ọghe Osanobua Nọyosẹ keghi viọ ebrẹd kevbe ayọn gie Ebram,

Hibru 7:1

Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Jọsua 10:3

Ọ re Adonizẹdẹk na gie uhunmwu gha rrie ọghe Hoham ne ọba Hibrọn, Piram ne ọba Jamut, Jafia ne ọba Lakis kevbe Debẹ ne ọba Ẹgiọn wẹẹ:

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 8:2

Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”

Jọsua 8:21

Ugbẹn vbe Jọsua kevbe emwa rẹn ghi miẹn wẹ iran nekpa mu ẹvbo nii nẹ, kevbe wẹ, erhẹn to vbọ, iran keghi fi egbe werriegbe, iran na suẹn gha gbele ivbi Eai.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,