Jọsua 1:6 - Edo Bible (E Baibol Ẹdo) Version 1996

⁶ U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 1:6 Iomraidhean Croise

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

II Samuẹl 10:12

U ghi din! Gia gbinna ẹsẹse ne emwa ima, kevbe ne ẹvbo Osanobua mwa. E Nọyaẹnmwa ne ọ ru enọ ye ọre sẹẹ.”

I Ọba 2:2

“Ẹdẹ uwu mwẹ rre nẹ. Din, ne u gie ekhọe ruẹ vbe sẹ otọ,

I Krọnikol 22:13

A dẹghe u ya uhi hia ne Nọyaẹnmwa viọ ne Mosis ne ọ viọ ne ivbi Izrẹl gha ru emwi, u gha ru ne a gban. Mu egbe ne u gie ekhọe ruẹ sotọ, ghẹ vbe gie emwi rhọkpa ye afianma fian an.

I Krọnikol 28:10

U ghi rẹn wẹ te Nọyaẹnmwa zẹ uwẹ ne u bọ Ọgua Osa ẹre ne ọ huanrẹn. Banbanna nian, u ghi ru ẹe, u ghi wa mu aro yọ ne u ruẹe.”

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

II Krọnikol 15:7

Sokpan wẹ wegbe ne u ghẹ gie egbe wọ ruẹ. U gha rriere iwinna ne u winnaẹn.”

II Krọnikol 20:11

Ọna ọ re iran ghi ya san ima ẹse nian, iran rre ne iran do khulo ima hin otọe ne uwẹ mu ne ima rre.

II Krọnikol 20:7

wẹ ọrọre Osanobua ima. Ẹghẹ ne ivbi Izrẹl ne emwa ruẹn na si la otọe na, u keghi khulo emwa ni te ka rrọọ ladian, u keghi mu otọe na ne ivbi uniẹn Ebraham, ne ẹse ruẹ, ne ọ gha re ọghe iran ẹdẹdẹmwẹdẹ.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Daniẹl 10:19

Rẹn keghi tama mwẹ wẹẹ, “Osanobua ho ẹmwẹ ruẹn rhunmwuda ọnii, ghẹ gie emwi rhọkpa fian an afianma ra ne ọ muẹn orhiọn rueghe.” Ọ ghi ta ẹmwẹ na nẹ, orhiọn keghi dọlegbe la mwẹ iwu, I keghi kha wẹẹ. “Enọwanrẹn, ta ẹmwẹ ne u mwẹ ne u gha tama mwẹ ma mwẹ. U rhie orhiọn yọmwẹ iwu nẹ.”

Hagai 2:4

Sokpan, banbanna nian, wa ghẹ gie egbe wọ uwa rhọkpa, wa winna iwinna nii rhunmwuda, I rrọọ yaba uwa.

Zẹkaraia 8:9

Wa gie ẹtin la uwa iwu! Ẹmwẹ ne avbe akhasẹ tae ẹghẹ ne a na gha gbe ẹyotọ ne a ra ya dọlọ Ọgua Osa mwẹ bọ, ọ re uwa vbe họn na.

Nọmbas 26:53

“Ghae otọe na ne avbe ẹwae na zẹ vbe ne iran ya kpolo.

Nọmbas 33:53

Wa mu otọe nii ne uwa yin ẹnrẹn rhunmwuda te I ya ẹe ne uwa.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Diuteronomi 1:21

Wa ghe, nene otọ ne Nọyaẹnmwa, ne Osanobua avbe erha uwa odede mu ne uwa ọre ọna khin, wa ya yin ẹnrẹn zẹ vbe ne ọ gie uwa, wa ghẹ gie ohan mu uwa, wa ghe; gie ẹtin fo uwa!’

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 11:8

“Wa gha ya uhi hia ne I gbe ne uwa ẹrẹna ru emwi. Erriọ wa gha na sẹtin gberra ne uwa ya yin otọe nii ne uwa ghi ra lao na.

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

II Timoti 2:1

Zẹ vbe ọghe uwẹ, ovbi mwẹ, u ghi ya ẹsọhẹ ni, ne ọre ọghe ima vbe uwu a ya egbe ba Kristi, wegbe.

Jọsua 1:18

Ọmwa ne ọ rhirhi muan ruẹn ẹmwẹ ra ne ọ he uhunmwu yuẹ obọ, a ghi gbe ẹe rua. Sokpan wegbe ne u vbe din!”

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Jọsua 10:25

Ẹre Jọsua na tama iran wẹẹ, “Wa ghẹ gie ohan mu uwa, wa ghẹ vbe gie egbe wọ uwa. Wa wegbe ne uwa vbe din, rhunmwuda vbe nian ọ re Nọyaẹnmwa ra ru avbe eghian uwa hia.”

Jọsua 13:6

Emwa Saidọn hia ni rre ẹvbo uhunmwu oke keghi rre ne usun, iran ni rre ẹkpo Oke Lebanọn kevbe Misrefọt Maim. I gha khulo iran ladian vbene ivbi Izrẹl ya nana sikẹ odaro. U ghi ghae otọe nii ne ivbi Izrẹl ne ọ gha re ọghe iran zẹ vbe ne I ta ma ruẹn wẹ ne u ru.

Jọsua 18:3

Ẹre Jọsua na tama ivbi Izrẹl wẹẹ, “Vbe uwa khian kpẹe sẹ hẹ yi wa ke ya mu otọe ne Nọyaẹnmwa ne Osanobua erha uwa odede mu ne uwa?

Jọsua 21:43

Erriọ ọre Nọyaẹnmwa na mu ne ivbi Izrẹl otọe ni ne irẹn wa yan ma avbe erha iran odede wẹ rẹn gha mu ne iran. Iran mu otọe nii, iran na yin evba.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.

I Samuẹl 4:9

Wa wegbe ivbi Filistin: Wa gbinna zẹ vbe ikpia ne ima ghẹ ya khian eviẹn ne ivbi e Hibru zẹ vbene iran te ka re eviẹn ima. rhunmwuda ọnii, wa gbinna zẹ vbe ikpia!”