Jọsua 1:4 - Edo Bible (E Baibol Ẹdo) Version 1996

⁴ Ehe ne otọe uwa lae ghi ke ato odẹ ekẹn ọghe Oke Lebanọn, kevbe Ẹzẹ Yufretes nọkhua vbe odẹ ahọ, kevbe ẹvbo Hiti hia ya sẹ Okun Meditẹrrenian vbe odẹ orrie.

Jọsua 1:4 Iomraidhean Croise

I Ọba 10:29

kevbe avbe ikẹkẹ okuo ne a hẹ ke Igipt rre. Iran ọ re ọ gha viọ ikẹkẹ okuo kevbe ẹsin giẹ avbe ọba e Hiti kevbe Siria. Iran kegha khiẹn ikẹkẹ okuo esiliva uri eha (600) kevbe ẹsin esiliva igbe yan iki-ọkhọe (150).

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Krọnikol 18:3

Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.

I Krọnikol 5:9

Iran kegha mwẹ oghẹn ohuan ni bun vbe otọe Giliad, rhunmwuda ọnii, iran keghi wa mu otọe nii vbe odẹ ahọ vbọ sẹ ato ne ọ wa ya vbẹ sẹ Ẹzẹ Yufretes.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 11:24

Otọe ne uwa a rhirhi ya owẹ khian la ghi khian ọghe uwa. Otọe uwa ghi ke ato ne ọ rre odẹ ekẹn ya sẹ Oke Lebanọn vbe odẹ okuọ kevbe ke Ẹzẹ Yufretes vbe odẹ ahọ ya sẹ Okun Meditẹrrenian vbe odẹ orrie.

Diuteronomi 3:25

E Nọyaẹnmwa, gun mwẹ fian Ẹzẹ Jọdan rra ne I miẹn ehe na miẹn otọe ne ọ ma emwi okọ ne ọ rre obọ nọkpa, ẹvbo oke ne mose mose nii, kevbe Oke Lebanọn.’

Arhie Maan 9:14

Urhu nii keghi tama odibosa ne ogiehan ne ọ rhie okpe ni mwẹ obọ wẹẹ, “Rhan iran ighẹ avbe odibosa enẹ ne a munọ gba vbe Yufretes ne okpẹzẹ.”