Joẹl 3:6 - Edo Bible (E Baibol Ẹdo) Version 1996

⁶ Wa viọ ivbi e Juda kevbe Jerusalẹm, wa na viọ iran khian rrei, wa na ya khiẹnnẹ iran ne ivbi e Grik.

Joẹl 3:6 Iomraidhean Croise

Ezikiẹl 27:13

U winnaẹn vbe Gris, e Tubal kevbe Mẹsiẹk, u ke vbe khiẹn emwi ruẹn ya dẹlẹ eviẹn kevbe avbe emwi ne a ya oze ru.

Joẹl 3:3

Iran yan uta ya gualọ ọmwa, ne a gha viọ avbe oghunmwu na, iran khiẹnnẹ emọ ikpia kevbe emọ ikhuo ọviẹn, ne iran ya gha ha igho ne avbe igberagia, kevbe ne iran ya gha da ayọn.

Joẹl 3:8

I gha ru ẹe ne a vbe khiẹnnẹ ivbi uwa nikpia kevbe ne ikhuo gha rrie Juda. A gha khiẹnnẹ iran ne ivbi e Sabe, ne ẹvbo ne ọ rrei ẹsẹse. Mẹ ne Nọyaẹnmwa ta ẹe nẹ.

Zẹkaraia 9:13

I gha lo e Juda zẹ vbe uhanbọ ovbiyokuo, kevbe Izrẹl, zẹ vbe ifẹnmwẹ. I gha lo ivbi e Zaiọn zẹ vbe umọmọ ne I ya gu ivbi e Gris gbinna.”

Diuteronomi 28:32

A ghi viọ ivbi uwa ne ikpia kevbe ne ikhuo ne avbe eghian uwa vbene uwa na bu aro ua gha ghe ughe. Wa ghi yẹnyẹn aroa ye odẹ ẹdẹgbegbe wẹ ne ivbi uwa werriegbe rre sokpan ẹtin ghi fo uwa.

Diuteronomi 28:68

E Nọyaẹnmwa gha ye okọ eviẹn hẹ uwa werriegbe gha rrie Igipt, a gha rhe miẹn wẹ rẹn yan rẹn wẹ wa i ghi dọlegbe rrie evba ọvbehe. Wa gha sẹ odọ, wa ghi te gha ho ne uwa khiẹnnẹ egbe uwa zẹ vbe eviẹn ne avbe eghian uwa, sokpan a i miẹn ne ọ gha kue ne ọ dẹlẹ uwa.”