Joẹl 3:3 - Edo Bible (E Baibol Ẹdo) Version 1996

³ Iran yan uta ya gualọ ọmwa, ne a gha viọ avbe oghunmwu na, iran khiẹnnẹ emọ ikpia kevbe emọ ikhuo ọviẹn, ne iran ya gha ha igho ne avbe igberagia, kevbe ne iran ya gha da ayọn.

Joẹl 3:3 Iomraidhean Croise

Job 6:27

Wa gha sẹtin yan uta ye ọviẹn ne udefiagbọn, wa ghi silo emwi ọse uwa khuankhuaankhuan ya vuọn ẹfe uwa.

Ezikiẹl 27:13

U winnaẹn vbe Gris, e Tubal kevbe Mẹsiẹk, u ke vbe khiẹn emwi ruẹn ya dẹlẹ eviẹn kevbe avbe emwi ne a ya oze ru.

Joẹl 1:5

Wa rhiọrre ne uwa gha viẹ, wa ne avbe ọdayọn, wa gha viẹ, wa ni da ayọn, iran dunmwu ehia a ighe avbe alimo ne a te ya ru ayọn ọgbọn.

Emọs 2:6

E Nọyaẹnmwa khare wẹẹ, “Te ivbi Izrẹl wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran khiẹnnẹ iran eviẹn ighẹ emwa ẹmwata ni ma sẹtin ha osa ne iran re, avbe ivbiogue ne ẹ i ra miẹn igho ya ha osa ibata e esanda.

Obedaia 1:11

Te u mudia gha ghe ughe vbe ẹdẹ ne avbe eghian guọghọ onurho iran kua. Te uwa wa vbe gha re emwa dan zẹ vbene avbe orhunmwuyẹn gha ye, iran ni fu ẹfe Jerusalẹm viọ gha rrie iran na ya gba ghaa ẹre.

Nahum 3:10

Sevba te a ye viọ Tebis gha rrie iwe. Abọ idunmwu hia ọ re a na wa gha gbele ivbi iran la ẹrinmwi. A ye ghan rro emwa rẹn ni hin usi viọ kpao, a keghi ghaa iran ne emwa ni viọ iran oghunmwu.

Arhie Maan 18:13

Kevbe sinamọn, kevbe oziza, eturari, oziya, ori ne ọ winhin ẹsẹse, ayọn kevbe ofigbọn, ẹlubọ kevbe ọka, emwi irri kevbe avbe ohuan, ẹsin kevbe ikẹkẹ okhuae, avbe eviẹn kevbe orhiọn emwa ne agbọn ne aregbe.