Joẹl 3:2 - Edo Bible (E Baibol Ẹdo) Version 1996

² I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Joẹl 3:2 Iomraidhean Croise

II Krọnikol 20:26

Ọ ghi rre ikpẹdẹ ne ogieha, iran keghi do si koko ye Iya e Beraka, iran keghi rho e Nọyaẹnmwa ye emwi ne ọ ru hia. Ọnii ọ si ẹe ne a na tie ẹre “Iya e Beraka.”

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 25:31

Ulamwẹ ọnrẹn ghi mi igboo ya sẹ ehe ne agbọn sẹe. E Nọyaẹnmwa mwẹ ẹzọ ne ọ gu avbe uhunmwu ẹvbo gui ọ gha viọ emwa hia la erhan ẹzọ, ọ ghi gbele avbe emwa dan an. E Nọyaẹnmwa tae nẹ.’ ”

Jerimaia 49:1

Ẹmwẹ ne Nọyaẹnmwa tae vbe ekpa Amọn ọ re ọna khin: “Avbe ikpia ivbi Izrẹl vbo yi? A ma ghi miẹn ne ọ khọn ne ẹvbo ẹre vbọ ra? Vbọzẹ ne iran na gie avbe emwa ni gho Milkọm khọn mu otọe ẹwae e Gad, ne iran vbe yin ẹnrẹn yi?

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Ezikiẹl 25:8

E Nọyaẹnmwa ne Udazi keghi kha wẹẹ, “Rhunmwuda ne Moab na kha wẹ te Juda vbe yevbe avbe uhunmwu ẹvbo nekpa.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Ezikiẹl 35:10

U khare wẹ otọe eva ni ighe Izrẹl kevbe Juda, deba otọe iran hia ighe ọwuẹ nọ, kevbe wẹ te u ra munọ iran ya khian ọwuẹ, a gha rhe miẹn wẹ mẹ ọrọre Osanobua iran.

Ezikiẹl 36:1

E Nọyaẹnmwa keghi kha wẹẹ, “Ovbi ọmwa, gu avbe oke nekhua Izrẹl guan, tama iran ne iran danmwehọ ẹmwẹ ne,

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Ezikiẹl 38:22

I gha ye emianmwẹ kevbe ukpọba gu ẹe khọn. Okpamẹ kevbe okpẹhoho, deba erhẹn kevbe ugbofi, ehia gha rhurhẹ yan rẹn kevbe ivbiyokuo ẹre, kevbe avbe uhunmwu ẹvbo nibun ni deba ẹre.

Ezikiẹl 39:11

E Nọyaẹnmwa khare wẹẹ, “Emwi na hia ghẹ ghi sunu nẹ, I gha rhie itẹ ne Gọg vbe Izrẹl vbe evba, vbe Iya Ilavbodẹ, vbe odẹ ahọ Okun Nọwu.

Joẹl 3:12

“Te avbe uhunmwu ẹvbo gha mu egbe, ne iran gha die Iya Ibuohiẹn. Evba mẹ ne Nọyaẹnmwa ra na tota, ne I bu ohiẹn, avbe ẹvbo ni lẹga eni hia.

Joẹl 3:14

Arriaisẹn inu ne ọ khin, wa rre Iya Ibuohiẹn, evba nii ọ re ẹdẹ e Nọyaẹnmwa gha na rre ban.

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Maika 4:12

Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Arhie Maan 11:18

Okuosu keghi yi iran ne ni ma yayi, rhunmwuda ọsẹ ẹghẹ ne ohu ruẹ gha ya rre, ne a do bu ohiẹn iran ni wulo nẹ. Ẹghẹ sẹe ne a gha ya san, avbe akhasẹ ne eguọmwadia ruẹ ẹse, ke avbe emwa ruẹn, ni mu ohan ruẹn, ni kpọlọ kevbe ni kanmwa. Ẹghẹ sẹe ne a ya fuẹn iran an ighẹ iran ni fuẹn agbọn uan.”

Arhie Maan 16:14

Iran na ọrọre avbe orhiọn esu nii, ne ọ winna iwinna ọyunnuan. Avbe orhiọn eha nii, keghi ladian bu avbe ọba ni rre otọ agbọn gha khian, ne iran ya silo iran koko khẹ okuo Ẹdẹ nọkhua ọghe Osanobua ne Oghodua.

Arhie Maan 16:16

Avbe orhiọn keghi do silo avbe ọba nii hia koko ye ihe ọkpa ne emwa Hibru tie ẹre Amagẹdọn.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 20:8

Rẹn ghi ladian ya gha mu iran rẹrẹ ighẹ agbọn ẹvbo hia ni tagha gba uhunmwu otọ agbọn, ọnii nọ wẹ Gọg kevbe Magọ, Setan ghi silo iran hia koko ne iran do gbinna, emwa ni bun vba ekhae nii rre okun,