Joẹl 3:12 - Edo Bible (E Baibol Ẹdo) Version 1996

¹² “Te avbe uhunmwu ẹvbo gha mu egbe, ne iran gha die Iya Ibuohiẹn. Evba mẹ ne Nọyaẹnmwa ra na tota, ne I bu ohiẹn, avbe ẹvbo ni lẹga eni hia.

Joẹl 3:12 Iomraidhean Croise

II Krọnikol 20:26

Ọ ghi rre ikpẹdẹ ne ogieha, iran keghi do si koko ye Iya e Beraka, iran keghi rho e Nọyaẹnmwa ye emwi ne ọ ru hia. Ọnii ọ si ẹe ne a na tie ẹre “Iya e Beraka.”

Psalm 7:6

Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Psalm 96:13

Ẹghẹ ne Nọyaẹnmwa gha na do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Psalm 98:9

Rhunmwuda, ọ dee ra do kha yan agbọn, rẹn gha kha yan emwa ni rre agbọn na vbe ẹmwata kevbe a i ghe ikpanro.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 3:13

E Nọyaẹnmwa mu egbe ne ọ gha ya gui ẹzọ ọghọe, ọ mu egbe ne ọ gha ya bu ohiẹn emwa irẹn.

Ezikiẹl 30:3

Ẹdẹ sikẹ otọ nẹ, ẹdẹ ne Nọyaẹnmwa gha zẹ yọ, ẹdẹ okuku amẹ ke ọghe orueghe ne uhunmwu ẹvbo hia.

Ezikiẹl 39:11

E Nọyaẹnmwa khare wẹẹ, “Emwi na hia ghẹ ghi sunu nẹ, I gha rhie itẹ ne Gọg vbe Izrẹl vbe evba, vbe Iya Ilavbodẹ, vbe odẹ ahọ Okun Nọwu.

Joẹl 3:14

Arriaisẹn inu ne ọ khin, wa rre Iya Ibuohiẹn, evba nii ọ re ẹdẹ e Nọyaẹnmwa gha na rre ban.

Joẹl 3:2

I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Maika 4:3

Ọ gha bu ohiẹn ẹvbo ni mwẹ egbe ẹzọ. Avbe ẹvbo ni mwẹ ẹtin, ni sikẹ emwa kevbe ni rrei, iran gha ya umozo iran gbe ẹguẹ, kevbe asoro iran, erọ ulema. Uhunmwu ẹvbo i ghi mu okuo gie egbe ọvbehe, iran i ghi vbe mu egbe okuo ọvbehe.

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.