Joẹl 3:11 - Edo Bible (E Baibol Ẹdo) Version 1996

¹¹ Wa zẹgiẹgiẹ larre, wa ne avbe ẹvbo ni lẹga ena, ne uwa do si koko ye iya nii.’ ” E Nọyaẹnmwa, gie iyokuo ruẹ rre ne ọ do gu iran gbinna:

Joẹl 3:11 Iomraidhean Croise

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Aizaia 10:34

E Nọyaẹnmwa gha tọnnọ iran gbotọ vbene a ya ughanmwa tọnnọ erhan kua vbe uwu ẹgbo, zẹ vbene erhan ni maa sẹẹ vbe Lebanọn dele.

Aizaia 13:3

E Nọyaẹnmwa tie avbe ivbiyokuo ẹre ni hio ke ni vbe din nii ladian ne iran do khọn okuo nọhuanrẹn, ne iran vbe rri iran ne ohu ẹre mu oya.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Joẹl 3:2

I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Maika 4:12

Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Arhie Maan 19:14

Ivbiyokuo ẹrinmwi keghi lele ẹe, iran keghi hin ẹsin ni fua, ẹwu ne iran hia yọe keghi re ọghe eto ovbiohuẹ nọfua ne ọ huanrẹn.