Joẹl 2:7 - Edo Bible (E Baibol Ẹdo) Version 1996

⁷ Te iran dekun emwa zẹ vbe iyokuo, iran ghi gha mu ekẹn hin zẹ vbe ivbiyokuo. Iran ghi gha yẹn owẹ ghe odaro, iran i vbe biegbe ghe ihe ọvbehe,

Joẹl 2:7 Iomraidhean Croise

II Samuẹl 1:23

“E Sọl kevbe Jonatan, ọsughe kevbe eghẹnghẹn ọ re iran te khin, kevbe ẹfe kevbe uwu, te iran sikan mu egbe, okhian kẹ iran sẹ oghohọn, iran wegbe sẹ oduma.

II Samuẹl 5:8

Ẹdẹ ne ẹdẹrriọ, e Devid keghi tama iran wẹẹ, “De ọmwa ne ohu emwa Jebus vbe mu vbene ọ mu mwẹ vbe uwu uwa yi? Ne ohu mu sẹrriọ ne ọ gha na gbele iran an? We ne ọ lele uroramẹ gha khian ne ọ ya kinmwi avbe uke kevbe arhuaro ne emwa oya.” (Ọna ọ si ẹe ne a na ta ẹe wẹẹ, “Avbe arhuaro kevbe avbe uke i sẹtin la owa e Nọyaẹnmwa.”)

Job 16:14

ọ kegha kuan mwẹ yan egbe yan egbe. Ọ keghi dekun mwẹ vbe ovbiyokuo ne ohu rhia ẹre uhunmwu an.

Psalm 19:5

ọ ghi ladian vbe owiẹ zẹvbe ọdafẹn ọha ne ẹko ẹre rhiẹnrhiẹn zẹvbe ọmọ ne egbe sasa ne ulẹ ne a rhie wa khọn.

Itan 30:27

Irhiso: Iran i mwẹ ọba, sokpan, te iran mwa otu ya khin.

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Joẹl 2:8

ra ne iran degbe egbe odẹ, iran ghi ya uhunmwu zẹ emwi ne a ya gbe odẹ hia gberra, emwi ne ọ sẹtin mu iran mudia i rrọọ.

Joẹl 2:9

Iran ghi khọn ghe ore ẹvbo, iran ghi vbọ la uhunmwu ekẹn gberra, iran ghi mu avbe owa hin, iran ghi gha la ewindo, zẹ vbe oyi.