Joẹl 2:2 - Edo Bible (E Baibol Ẹdo) Version 1996

² Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Joẹl 2:2 Iomraidhean Croise

Psalm 10:6

Rẹn ghi tama egbe ẹre wẹẹ, “Mẹ i gbekuẹn ẹdẹ, mẹ i miẹn ọlọghọmwa ẹdẹ.”

Psalm 97:2

Okuku kevbe ebiebi lẹga ẹre; ẹmwata kevbe uhunmwu ẹmwẹ ọ re ọ ya khaemwisẹ.

Ẹksọdọs 10:14

Iran ke wa vẹ gba otọe nii hia, iran na gha rre ẹvbo nii hia. Ọna ke gha re oghẹn irhiso ne ọ bun sẹẹ ne a he miẹn ra ne a ghẹ ghi miẹn.

Ẹksọdọs 10:6

Iran gha vuọn ẹguae ruẹ hia kevbe owa avbe ekhaẹmwẹ ruẹn kevbe emwa ruẹn hia, iran gha khọ sẹ emwikemwi ne avbe erha uwa he ka miẹn. Ọba keghi fi ọdelegbe, ọ na kpao.’ ”

Ẹksọdọs 20:21

Sokpan emwa nii keghi ya mudia ye urria gban an, e Mosis ọkpa ọre ọ ghi sikẹ okuku nii vbe ehe ne Osanobua gha ye.

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 8:22

ra iran ghi gha ghe otọe sokpan, iran i ra bẹghe emwi ọvbehe gberra ọlọghọmwa kevbe ebiebi, ebiebi ne ọ gbe orrirri ne iran ra khulo iran lao. Odẹ ne iran gha la miẹn uhunmwu vbe egbe ọlọghọmwa na, ẹ i rrọ.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 13:6

Ọ ghi kpẹ kherhe, e Nọyaẹnmwa keghi tama mwẹ wẹ ne I gha rrie Yufretes ne I ya rhie utalawẹ nii.

Eve Orriara 1:12

Ọ datu ma avbe emwa ni gberra khian wẹẹ, “Wa ghe mwẹ o, wa ni gberra khin a ma he miẹn ọmwa ne ọ miẹn egbe obalọ vbe ọghomwẹ na ẹdẹ. Obalọ ne Nọyaẹnmwa hihiẹẹ yan mwẹ vbe ohu mu ẹẹn.

Ezikiẹl 32:7

I gha fuẹn ọnrẹn uan nẹ, I gha ya emwi gue iso. I ghi vbe khiẹn avbe orhọnmwẹ kua. Owẹn gha lẹre ye iyeke avbe okuku, uki i ghi ra vbe baa ọvbehe.

Ezikiẹl 34:12

Zẹ vbe ne ọsuohuan gbearoghe avbe ohuan ne ọ te zagha kua, a na ghi dọlegbe sii iran koko. I gha viọ ehia werriegbe ke ehe hia ne a te zagha iran kui vbe ẹdẹ ọfuan ne ọ so ebiebi nii.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Daniẹl 12:1

Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Joẹl 1:6

Oghẹn irhiso mu okuo la otọe mwa, iran mwẹ ẹtin, a i vbe sẹtin ka iran vbene iran bun sẹ, akọn iran wa mu, zẹ vbe akọn oduma.

Joẹl 2:25

I gha rhie emwi ne uwa te mu fua dọlegbe ne uwa, vbe ẹghẹ ne avbe oghẹn irhiso na gha rri uwa emwiokọ. Mẹ ọ re ọ gie ivbiyokuo na bu uwa gha dee.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Joẹl 2:5

Iran gha vbọ vbe uhunmwu oke, a ghi gha họn igiawẹ iran zẹ vbe ikẹkẹ okuo, iran ghi gha salọ vbe irunmwu ne ọ kae vbe erhẹn. Iran tẹnrẹn zẹ vbe ivbiyokuo nọkhua ne ọ muegbe okuo.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Zẹfanaia 1:7

Ẹdẹ ne Nọyaẹnmwa gha tota bu ohiẹn dee, rhunmwuda ọnii, wẹ hunwan zẹẹ vbe ehe ne ọ ye. E Nọyaẹnmwa wa mu egbe nian ne ọ ya emwa rẹn zọ ese, Ọ vbe gie ne a tie avbe eghian ne iran do fu emwi viọ vbe Juda.

Zẹkaraia 14:6

Ọ gha sẹ ẹghẹ nii, oni i ra gha rrọ.

Matiu 24:21

Rhunmwuda ọkhọ ne ọ ra sunu ẹdẹnẹdẹrriọ keghi re egbe ne a ma he miẹn ke ne abuagbọn tuagbọn gha dee do sẹ ẹdẹnẹrẹ na. A i ra vbe dọlegbe miẹn egbe ọre ẹdẹ.

Iyẹn ne ọ Maan Ọghe Mak 13:19

Rhunmwuda ọlọghọmwa ọghe ẹdẹ ne ẹdọ keghi re egbe ne a ma he miẹn ke ne a bu agbọn tu agbọn gha dee do sẹ ẹdẹ ne ẹrẹna. A i ra vbe dọlegbe miẹn egbọre.

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.

Hibru 12:18

Wa ma he sẹ eke ne ọ gha da uwa egbe, zẹ vbene ọ ghe ivbi Izrẹl gha ye vbe Oke Sainai, ke ẹe kevbe erhẹn ọnrẹn ne ọ ba gidigidi, ebiebi kevbe okuku kevbe okpẹhoho.

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.

Arhie Maan 9:2

Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.