Joẹl 2:12 - Edo Bible (E Baibol Ẹdo) Version 1996

¹² “Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Joẹl 2:12 Iomraidhean Croise

II Samuẹl 24:10

Sokpan, ugbẹn vbe Devid ghi ka ẹvbo nẹ, ekhọe ẹre kegha gu ẹẹ gui, ọ keghi tama e Nọyaẹnmwa wẹẹ, “Emwi ne I ru na, orukhọ dan ọ re I wa ya ẹe ru! Lahọ, yabọ mwẹ. Emwi akpa ọ re I wa ru.”

II Krọnikol 30:6

Ọba kevbe ọkhaẹmwẹ na gie emwa uhunmwu la otọ Juda kevbe Izrẹl ne iran ya tama emwa wẹẹ: “Ivbi Izrẹl, wa miẹn uhunmwu nẹ vbe okuọ ne Asiria do khọn otọ na re, banbanna nian, wa werriegbe bu e Nọyaẹnmwa ne Osanobua Ebraham, Aizik kevbe Jekọb gha dee, rẹn gha bu uwa rre.

II Krọnikol 6:27

E Nọyaẹnmwa, danmwehọ iran vbe ẹrinmwi, ne u ya orukhọ ivbi Izrẹl ne eguọmwadia ruẹ bọ iran ne u vbe ma iran vbene a ru emwi ne ọ gbae hẹ. Iyeke ọnii, Nọyaẹnmwa, gie amẹ rhọ ye otọe na ne ọ re ọwuẹ, ne uwẹ vbe mu ne emwa ruẹn ne ọ gha re ọghe iran etẹbitẹ.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹksọdọs 33:5

E Nọyaẹnmwa keghi tama e Mosis wẹẹ, “Tama emwa nii wẹ emwa ni zevbudu wa khin, I gha wẹ ne 1 lele uwa khian la ovbi ẹghẹ kherhe, I gha fuẹn uwa a fẹẹrẹ. Banbanna nian, wa viọ ikpẹrọnmwọ itegbe uwa hin rre ne I miẹn ehe na rẹn emwi ne I gha ru.”

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 58:4

Aguẹ ne uwa ye ghi do ya uwa khian emwa ọkhọ, wa ghi gha gui, wa ghi gha gbinna. Wa yayi wẹ egbe aguẹ vberriọ gha ye imẹ gha zẹye erhunmwu uwa ra?

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 36:7

Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Jerimaia 4:1

E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 12:7

E Nọyaẹnmwa khare wẹẹ, “Emwa nii vbe zẹ ibeleku zẹ vbene ivbi e Kenan ye ọ re ivbi Izrẹl wa khin. Esike ne ẹ i maa ọ re iran ya mu emwa ni gu iran do ẹki ru. Iran ghi gha kha wẹẹ,

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Zẹkaraia 7:5

Ọ wẹẹ, “Tama ivbi ẹvbo nii kevbe avbe ohẹn wẹ ne iran na yo aguẹ kevbe ne iran na khiẹ vbe uki ne ogisẹn ke ne ogihinrọn nii vbe ukpo ekigbesiyenẹ ni gberra na, ẹ i re imẹ ọre iran ya ya ọghọ na.

Malakai 1:9

Wa ne avbe ohẹn, wa hia ne uwa nọ Osanobua wẹ ne ọ gha ye obọ esi mu ima. E I họn erhunmwu uwa, obọ uwa ọ re ọ ye.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

Giọgis 20:26

Ivbi Izrẹl hia kevbe gha rrie Bẹtẹl ya khiẹ. Iran keghi tota ye odaro e Nọyaẹnmwa vba, iran ma rri evbare ọ te ya sẹ ota. Iran si sara, iran keghi giẹn emwi ne a ya zọ ese eso ohoho vbe odaro e Nọyaẹnmwa.

I Samuẹl 7:3

E Samuẹl keghi tama ivbi Izrẹl wẹẹ, “A deghẹ te uwa ghi ra ya ekhọe uwa hia dọlegbe bu e Nọyaẹnmwa gha dee nian, wa ghi viọ avbe ẹbọ ẹrrẹe kevbe amazẹ ọghe Astat ne ẹbọ ne ọkhua, ni gue kua. Wa ye egbe uwa hia fi ohan ne Nọyaẹnmwa, ne uwa vbe gha ga irẹn ọkpa, rẹn ghi do miẹn uwa fan hin obọ ẹtin emwa Filistin rre.”

I Samuẹl 7:6

Iran keghi rhunmwuda ọnii ya miẹn egbe vbe Mizpa. Iran keghi sa amẹ, iran na sa ẹe kua zẹ vbe emwi imuohan ne Nọyaẹnmwa. Iran keghi wa ya ẹdẹrriọ hia gha rre aguẹ. Iran kegha kha wẹẹ, “Ma ru orukhọ ghe e Nọyaẹnmwa nẹ.” (E Samuẹl kegha rre Mizpa, ọ na gha khaemwisẹ yan ivbi Izrẹl.)