Joẹl 2:10 - Edo Bible (E Baibol Ẹdo) Version 1996

¹⁰ Iran gha dee, otọe ghi gha mu rueghe; iso ghi gha mian gbẹgbẹgbẹ. Owẹn kevbe uki ghi so ebiebi avbe orhọnmwẹ i ghi ladian.

Joẹl 2:10 Iomraidhean Croise

Psalm 114:7

Agbọn gha guọ vbe Nọyaẹnmwa a gha dee, vbe odaro e Nọyaẹnmwa ne Osanobua Jekọb.

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Aizaia 13:10

Dọmwadẹ orhọnmwẹ, kevbe avbe orhọnmwẹ ni mama kugbe, erhọkpa ne ọ ghi ra gha baa irrọọ, ovẹn gha yanrre, ọ ghi so ebiebi, uki i ghi ra vbe baa.

Aizaia 34:4

Avbe owẹn, uki kevbe orhọnmwẹ hia gha rẹnkhuan khian ebubẹ, iso gha khian ne a ho bẹkun zẹvbe ebe ohian ne a kiri, avbe orhọnmwẹ ghi kharha kua zẹvbe ebe azara ra ebe ohọ.

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Jerimaia 4:23

I tọn aro mu ghe otọ agbọn, ọ keghi wa gha re ehe nẹi mọ ọmọ, ehe ne ọ rhiara. I ghe odukhunmwu uwanmwẹ i rrọọ.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Emọs 5:8

E Nọyaẹnmwa ọ re ọ yii avbe orhọnmwẹ, iyọkhọkọ kevbe Agho. Ọ ye ebiebi khian uwanmwẹ kevbe avan khian asọn. Ọ gha datie amẹ ni rre okun ọ ghi hihiẹ ọe ku otọ. E Nọyaẹnmwa ọrọre eni ẹnrẹn.

Nahum 1:5

Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Iwinna 2:20

Owẹn gha so ebiebi, uki ghi gha baa vbe esagiẹn, vbe Ẹdẹ uyi nọkhua ọghe Nọyaẹnmwa te do rre.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.

Arhie Maan 8:12

Odibosa ne ọ ogienẹ keghi kpe ọghọe, a keghi kinmwi obọ ọkpa vbe a wa owẹn ye ihe eha, ke obọkpa vbe ihe eha ọghe uki kevbe ọghe avbe orhọnmwẹ sẹrriọ wẹ, a gha wa vbene iran te ba ye ihe eha, obọkpa keghi lahin rre vbọ, uwanmwẹ ma ghi rre vbe a wa ẹdẹ ye ihe eha, kevbe a wa asọn ye iye eha.

Arhie Maan 9:2

Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.