Joẹl 1:7 - Edo Bible (E Baibol Ẹdo) Version 1996

⁷ Iran mu erhan alimo ayọn ima rhia, iran vbe ya akọn lọọ erhan ohọ ima an iran kpalọ ikpakpa ẹre kua, a te do miẹn wẹ te abọ ẹre ghi fuọfua.

Joẹl 1:7 Iomraidhean Croise

Psalm 105:33

Ọ dunmwu erhan azara kevbe erhan ohọ, ọ keghi bunnọ avbe erhan ni rrọọ ku otọ.

Ẹksọdọs 10:14

Iran ke wa vẹ gba otọe nii hia, iran na gha rre ẹvbo nii hia. Ọna ke gha re oghẹn irhiso ne ọ bun sẹẹ ne a he miẹn ra ne a ghẹ ghi miẹn.

Ẹksọdọs 10:15

Iran keghi wa rhu gba otọ sẹrriọ ne ehia ghi na biua nunuunu. Iran na rri emwi ne ọ ghi zọ nẹ vbe otọe nii, ke vbe ọmọ erhan hia ne avan ne ukhumwu ghi fi yi. Emwi ọkpa ne ọ mwẹ ebe ne a ghi sẹrae i rrọọ vbe erhan kevbe irunmwu nii rre otọe Igipt.

Aizaia 24:7

Erhan azara hia luẹluẹ, te ayọn ghi vbee. Emwa hia ne ẹko te ka rhiẹnrhiẹn yi, khian ne ẹko ghi rriara.

Aizaia 32:12

Wa ye obọ ọ sẹmwẹ sẹ egbe gbe ẹwẹe, rhunmwuda, avbe otọe ne ọ maa emwiokọ, deba avbe ogba azara hia khian ne a rẹnkhuan,

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Jerimaia 8:13

“Te I te ra si emwa mwẹ koko zẹ vbene ọmwa rhọ emwiokọ ẹre si koko, sokpan, iran yevbe azara ne ọ ma mọ ọmọ, kevbe erhan ohọ ne ọ ma mọ, uhin ighẹ ebe ni rrọ luẹluẹ nẹ. Rhunmwuda ọnii, I keghi fan obọ ẹre ne avbe ọrriọvbe ya otọe nii khian ọghe iran.”

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Joẹl 1:12

Alimo ayọn kevbe avbe erhan ohọ ehia luẹluẹe. Erhan ni mọ hia, khuọn ebe kua, iran keghi wulo. A ho ẹkorhiẹnrhiẹnmwẹ emwa nii bẹkun.

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.