Joẹl 1:4 - Edo Bible (E Baibol Ẹdo) Version 1996

⁴ Oghẹn irhiso gha vẹ rre lele egbe do gha deyan emwiokọ; emwi ne oghẹn ọkpa re kẹe, nọkpa ghi rri ọe fo.

Joẹl 1:4 Iomraidhean Croise

I Ọba 8:37

“A deghẹ ukhunmwu ghi fi vbe otọe nii, ra te okpemianmwẹ ghi rrọọ, ra te okpe ẹhoho ghi dunmwu emwiokọ rua, ra deghẹ te eghian iran ghi zagha avbe emwa ruẹn kua, ra deghẹ te emianmwẹ ra ohuẹhuẹ la uwu iran,

II Krọnikol 6:28

“A dẹghe ukhunmwu ọ re ọ ghi la ẹvbo ra egboghogbogho nọ, ra te emwiokọ hia sohie ra te irhiso rri ọe rua, ra te eghian mu okuọ gie emwa ruẹn, ra dẹghe emianmwẹ nọ ra ohuẹhuẹ vbe uwu emwa ruẹn.

II Krọnikol 7:13

Ẹghẹ ke ẹghẹ ne I ya wẹ ne amẹ ghẹ rhọ, ra te I gie irhiso do rri emwiokọ, ra te I gie egboghogbogho la uwu ẹbu emwa mwẹ.

Psalm 105:34

Ọ guan rẹn, avbe irhiso keghi rre, inuẹbo ne ai sẹtin ka.

Psalm 78:46

Ọ gie irhiso ya rri iran emwiokọ, ne ọ vbe mu iran ugbo rhia.

Ẹksọdọs 10:4

A deghẹ te uwa ye hẹ ighẹ wa ma gie emwa mwẹ gha khian, vbe ẹdẹ ne akhuẹ, I gha gie avbe irhiso rrie ẹvbo uwa.

Ẹksọdọs 10:5

Iran gha bun sẹrriọ wẹ, iran ghi mama rhu otọ. Iran gha rri avbe emwi hia ne avan ne ukhunmwu ma mu rhia, iran gha rri erhan uwa hia ni ghi ke ẹe.

Aizaia 33:4

Emwa ghi fan rhu emwi iran, iran ghi hẹ gha rrie zẹ vbe emwi ne obọ vbare vbe ifu.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Jerimaia 51:27

“Wa ta ẹe ne iran suẹn igbinna! Wa kpe okpe nii ne avbe agbọn ẹvbo hia miẹn ehe na họn. Wa mu avbe uhunmwu ẹvbo hia egbe yotọ khẹ okuo ne iran gu e Babilọn gbinna. Wa tama avbe otọe arriọba Ararat, e Mini kevbe Askẹnaz ne iran dekun ẹnrẹn. Gie ọkaokuo ne ọ ke odaro igbinna nii. Viọ avbe ẹsin rre zẹ vbe oibirri irhiso.

Joẹl 2:25

I gha rhie emwi ne uwa te mu fua dọlegbe ne uwa, vbe ẹghẹ ne avbe oghẹn irhiso na gha rri uwa emwiokọ. Mẹ ọ re ọ gie ivbiyokuo na bu uwa gha dee.

Emọs 4:9

“I gie ẹhoho owowo rre ne ọ kaka uwa emwiokọ ua. Irhiso rri ugbo uwa kevbe ogba azara, erhan ohọ kevbe ọghe oliv. Sevba wa ma ye bu mwẹ rre.

Emọs 7:1

I keghi miẹn umian ne ọ ke ehe ne Nọyaẹnmwa ne Udazi ye rre. I keghi bẹghe ẹre vbe ọ yi oghẹn irhiso, vbe a gha da wa fian irunmwu ne ẹsin re ọghe ọba, vbe avbe irunmwu nii ghi wa dọlegbe suẹn gha zọọ.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.

Diuteronomi 28:38

“Wa ghi kọ emwiokọ ọrhẹnrhẹn, sokpan emwiorhọ tunnẹkẹn wa khian rhọ rhunmwuda, irhiso ọ re ọ khian rri emwiokọ uwa hia.

Diuteronomi 28:42

Avbe atete gha rri erhan kevbe emwiokọ uwa hia.