Joẹl 1:10 - Edo Bible (E Baibol Ẹdo) Version 1996

¹⁰ Ugbo hia dihoi rua; otọe gha khiẹ, rhunmwuda, a dunmwu avbe ọka a, avbe alimo ayọn kaka a avbe erhan oliv vbe luẹluẹ.

Joẹl 1:10 Iomraidhean Croise

Gẹnẹsis 4:12

U gha mu ugbo, u na kọ emwi yọ, otọe, ẹi gha ma ẹnrẹn. Ehevbehevbe ke enọkpolugho ọre u gha khian vbe agbọn.”

Aizaia 15:6

Ẹzẹ e Nimrim kae irunmwu ni rre ọkpẹn ọnrẹn luẹluẹe, emwi ne ọ mwẹ ebe nekhui i ghi rrọ.

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Aizaia 24:7

Erhan azara hia luẹluẹ, te ayọn ghi vbee. Emwa hia ne ẹko te ka rhiẹnrhiẹn yi, khian ne ẹko ghi rriara.

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 48:33

A rhie oghọghọ kevbe ọyẹnmwẹ hin otọe Moab ne ọ maa emwiokọ rre nẹ. I dobọ ayọn ne ọ la ke udin ayọn rre yi nẹ. A i ghi miẹn ọmwa ne ọ gha zẹ udin ayọn, ne ọ gha vbe gha we ne oghọghọ.

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Hozia 9:2

Sokpan, vbe ọ ma he kpee wan, wa i ra gha mwẹ ọka sẹẹ ra ofigbọn oliv, ayọn i ra vbe gha rrọọ.

Joẹl 1:12

Alimo ayọn kevbe avbe erhan ohọ ehia luẹluẹe. Erhan ni mọ hia, khuọn ebe kua, iran keghi wulo. A ho ẹkorhiẹnrhiẹnmwẹ emwa nii bẹkun.

Joẹl 1:5

Wa rhiọrre ne uwa gha viẹ, wa ne avbe ọdayọn, wa gha viẹ, wa ni da ayọn, iran dunmwu ehia a ighe avbe alimo ne a te ya ru ayọn ọgbọn.

Joẹl 2:19

Ọ zẹẹ ẹmwẹ wanniẹn iran wẹẹ: “Wanwanna nian, I ra do viọ avbe ọka kevbe ayọn, kevbe ofigbọn ne uwa. Ẹko gha vbe vuọn uwa ẹvbo ọvbehe i ra gha ye zan uwa ọvbehe.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Hagai 1:11

“I gie amẹ nọkhua mu vbe otọe nii, vbe uhunmwu oke ẹre, ohọka ẹre, ogba aranmwẹ oha, kevbe emwi hia ne a ghi miẹn rhọ ẹre emwiokọ vbe otọ.”

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.