Jerimaia 9:2 - Edo Bible (E Baibol Ẹdo) Version 1996

² Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Jerimaia 9:2 Iomraidhean Croise

Aizaia 59:3

Wa ru orukhọ ọghe ohoghe ne a ta kevbe, ọkhọ kevbe izigha.

Jerimaia 12:1

Nọyaẹnmwa, I gha wẹ ne ima gba gui ẹzọ mwẹ, wẹ ọ re ọ khian rri ase. Sokpan, I gha ye nọ ruẹn ọta ne ọ dekan ohiẹn ẹmwata. Vbọzẹ ne agbọn na maa emwa dan sẹrriọ yi?

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Jerimaia 5:11

Ivbi Izrẹl kevbe ivbi e Jerusalẹm wa ya mwẹ ne avbokho fẹẹrẹ. Mẹ ne Nọyaẹnmwa ọre ọ taa ẹe.”

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 5:7

Iran ma guobọ e Nọyaẹnmwa. Ivbi iran i re ọghe ọe. Rhunmwuda ọnii nian, a gha fuẹn iran kevbe otọe iran an ban.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Hozia 7:4

Ekhọe ababe kevbe ni sọtẹ ọ re iran hia khin. Ikhuiwu iran gha yọn zẹvbe erhẹn vbe aroewu, ne a miẹn wẹ, ọmwa ne ọ le ebrẹd i si yọ ọ te do sẹ ẹghẹ ne ọ ra ya le ebrẹd.

Maika 6:12

Iran ni fe vbe emwa ruẹn ya avbe ivbiogue ru enegbe iran, ọhọn ohoghe wa hia fẹẹrẹ wa khin.

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Malakai 2:11

Iran mu awua la uwu Ọgua Osa ne Nọyaẹnmwa ho ẹmwẹ ọnrẹn. Ikpia mwẹ ikhuo ne iran viọ re ni gho ẹbọ ẹrrẹe.

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Giọgis 2:10

Orre ni hia keghi wulo, orre ne ọ ghi lele ẹe keghi mianmian e Nọyaẹnmwa kevbe emwi ne ọ ru ne Izrẹl.