Jerimaia 9:16 - Edo Bible (E Baibol Ẹdo) Version 1996

¹⁶ I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Jerimaia 9:16 Iomraidhean Croise

Nehimaia 1:8

Yerre nian, vbene u tama Mosis hẹ wẹẹ, ‘A deghẹ wa ne ivbi Izrẹl ma rhie egbe mu mwẹ ẹse, I gha zagha uwa a lele otọe ẹvbo ọvbehe.

Psalm 106:27

Rẹn ghi vbe zagha ivbi iran gba ẹbu avbe ni ma yayi, ọ ghi vbe gie iran wulo ye ẹvbo ẹrrẹe.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Jerimaia 13:24

Te Nọyaẹnmwa ra zagha uwa a zẹ vbe ebe ne ọ kakae ne ẹhoho ato hoho kua.

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 29:17

E Nọyaẹnmwa ne Oghodua khare wẹẹ, ‘I mu okuo, ohanmwẹ kevbe emianmwẹ bu iran dee I gha ru iran zẹ vbe ọmọ ohọ ni kẹkẹ gbe ne ẹ ighi gia re.

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Ezikiẹl 11:17

“Rhunmwuda ọnii, tama iran vbene imẹ ne Nọyaẹnmwa ne Udazi kha hẹ. I gha si iran koko kevbe avbe ẹvbo ne I zagha iran kui gha dee, I ghi dọlegbe mu otọ Izrẹl ne iran.

Ezikiẹl 12:15

“I gha zagha iran ku uwu ẹbu uhunmwu ẹvbo nekpa nẹ, kevbe ẹvbo ẹrrẹe, iran gha rẹn wẹ mẹ ọrọre Nọyaẹnmwa.

Ezikiẹl 14:17

“Ra, I sẹtin mu okuo la ẹvbo ọkpa, I ghi vbe viọ emwi igbinna dan larọ, ne ọ ya fuẹn emwa nagbọn kevbe aranmwẹ,

Ezikiẹl 20:23

“Rhunmwuda ọnii, I keghi vbe yan eyan ọvbehe vbe uwu ato vbe evba. I keghi yan wẹ, I gha zagha iran kua lele ehehia vbe otọ agbọn.

Ezikiẹl 27:2

“Ovbi ọmwa, so ihuan irorinmwi ne Taia,

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Ezikiẹl 5:2

U ghi gien obọkpa vbọ vbe adesẹ ore ẹvbo nii vbe okuo a ghi khọn gberra nẹ. U ghi viọ obọ ne ogieha nọkpa, u ghi ya umozo nii gha giagia ẹe kua vbe u a gha khian lẹga vbe u a ghi lahin ore ẹvbo nii rre nẹ. U ghi zagha obọ ne ogieha ne ọ dekẹe ku ẹhoho, mẹ gha ya umozo mwẹ khu ẹe.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Emọs 5:16

Rhunmwuda ọnii, e Nọyaẹnmwa ne Udazi ne Oghodua khare wẹẹ, “Eve kevbe ugomwẹ akhiẹ gha rre ore ẹvbo nii. Uhin wẹ te a ra ya tie avbe ọgbugbo nii iran do deba iran ni miẹn igho viẹ eve orinmwi, gha khiẹ emwa ni wulo.

Maika 2:4

Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:36

“E Nọyaẹnmwa gha viọ uwa kevbe avbe ọba uwa gha rrie ẹvbo ẹrrẹe, ehe ne uwa kevbe avbe erha uwa odede ma he yin ẹdẹ, evba wa ghi na ya ga avbe amazẹ ne a ya erhan kevbe okuta ma.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

Diuteronomi 4:27

E Nọyaẹnmwa gha zagha uwa a lele uwu agbọn ẹvbo ọvbehe, Ibozẹghẹ ọ ra miẹn uhunmwu vbe uwu uwa vbe odọ niii.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.