Jerimaia 9:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Jerimaia 9:11 Iomraidhean Croise

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Psalm 107:43

Wa gie avbe umẹwaẹn mu avbe emwi na roro, ne iran miẹn kue wẹ, aho ẹmwẹ ọmwa ne ẹ i beghe ọghe Nọyaẹnmwa gele rrọọ.

Psalm 44:19

Sevba, u sẹ ima rae ye uwu ẹbu aranmwẹ oha vbe egbe fu ima nẹ u keghi sẹ mwa rae ye uwu ebiebi, ne ọ so kankan an kan.

Psalm 79:1

Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

Aizaia 13:22

Owa ọkhẹ ni te rrọọ, kevbe avbe ẹguae, avbe akpakomiza kevbe ekuaghagha ọ re ọ ghi gha tulo vbe evba. Ẹdẹ e Babilọn rre nẹ. Te ẹdẹ ọ re ghi ra gberra.”

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 34:13

Igban kevbe ọkọsọ gha zọ vbe ehe hia kevbe avbe ẹvbo ne a gbe ekẹn gaa. Avbe edi kevbe esughusughu ọ re ọ ghi ra gha rrọọ.

Aizaia 44:26

Sokpan avbe eguọmwadia mwẹ ta emwi ne ọ gha he sunu yotọ Mẹ gha gie ọmwa uhunmwu ne ọ ya rhie emwamwa mwẹ maa, I ghi ru ẹe ne avbe emwamwa nii kevbe ẹmwẹ ne a ta yotọ nii gele gha sunu. I tama Jerusalẹm wẹ emwa gha dọlegbe gha rre evba, kevbe avbe okpẹvbo ni rre Juda ighe a gha dọlegbe bọ iran. Avbe ẹvbo nii gha kpaegbe hin itowa ree.

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 10:22

Wa danmwehọ! Iran giee uhunmwu rre. Ẹvbo ọkpa vbe odẹ okuọ wa hu yo hu rre, ivbiyokuo ẹre gha ya avbe okpẹvbo e Juda khian ato, ehe ne avbe akuaghagha ghi dia.”

Jerimaia 16:10

“U gha talọ ena hia ma iran ne, iran gha nọ emwi ne ọ sii ẹe ne I na yan rria ikhi vberriọ. Iran gha nọ emwi ne ọ re awua ne iran ru kevbe orukhọ ne iran ru ghe e Nọyaẹnmwa ne Osanobua iran.

Jerimaia 25:11

A gha ya otọe na hia khian itowa, ọ ghi vbe gha re ughe ne ọ ye egbe ku ọmwa ohiọnhiọn, avbe uhunmwu ẹvbo ni diake ẹe, gha ya ga ọba e Babilọn la ukpo ekigbe siyenẹ.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 26:18

“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’

Jerimaia 26:9

Vbọzẹ ne u na ye eni e Nọyaẹnmwa tae wẹ Ọgua Osa na gha ye vbe Siailo, kevbe wẹ a gha fuẹn ẹvbo na an, ọmwa rhọkpa i ra vbe gha rrọọ?” Emwa na keghi ma rhu mwẹ.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 4:27

(E Nọyaẹnmwa tae nẹ, wẹ otọ agbọn hia gha khian ne ọ rhia ẹe, sokpan wẹ rẹn i ra fuẹn ọnrẹn uan fẹẹrẹ.)

Jerimaia 44:2

E Nọyaẹnmwa ne Oghodua ne Osanobua Izrẹl wẹẹ, “Aro uwa tobọ uwa sẹ ọyanroua ne I ru e Jerusalẹm re, kevbe avbe okpẹvbo ọvbehe ni rre Juda. ye do sẹ wanwanna, itowa ọ re ehia ye khin, ọmwa rhọkpa i vbe rrọọ.

Jerimaia 49:33

A gha ye Hazọ khian ato ẹdẹdẹmwẹdẹ, ehe ne a miẹn wẹ avbe ekuaghagha okpa ọ re a miẹn vbọ. Ọmwa rhọkpa i ghi ra dọlegbe yin evba. Mẹ ne Nọyaẹnmwa taa ẹe nẹ.”

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 51:37

Ẹvbo ni gha khian utete itowa, ehe ne avbe aranmwẹ oha ghi dia. Te ọ khian gha mianmwẹ ughe, ọmwarhọkpa i ra yin evba, emwa ni miẹn ọẹn hia gha vbe runran.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Levitikọs 26:32

I gha rẹnkhẹn ẹvbo rua sẹrriọ wẹ, ọ gha kpan avbe eghian ni di evba ya udu, vbe iran a miẹn vbene a dunmwu ẹn ruan hẹ.

Maika 1:6

Rhunmwuda ọnii e Nọyaẹnmwa khare wẹẹ, “I gha ye Sameria khian itowa ne ọ vbiolo yan egbe vbe otọ oha, ehe ne a gha kọ alimo ayọn yi. I gha kpolo ẹvbo nii zẹ vbe iku ku uwu iya, I gha vbe gie agbọn miẹn ẹyotọ ẹre.

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.