Jerimaia 9:10 - Edo Bible (E Baibol Ẹdo) Version 1996

¹⁰ Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:10 Iomraidhean Croise

Aizaia 41:15

I gha ya uwa ru uhanhan ne a ya wiẹn emwi ne a halọ ise ọgbọn ni mu yi, wa gha wiẹn oke nekhua, wa gha rhia iran an. Avbe oke negiẹrẹ wiẹghua khian ebubẹ.

Aizaia 49:19

“Iran rẹnkhẹn ẹvbo ruẹ ua, ọ keghi dihoi rua sokpan, banbanna nian, ẹi ghi kpọlọ sẹ ne ọ gha gua iran ni dee nẹ iran do di ẹe ya iran ni ya a khian itowa, a gha viọ iran khian rrei nuẹn ẹsẹse.

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 14:6

Avbe ede ya mudia ye uhunmwu oke, iran gha hẹwẹ ukuke, vbe ekuaghagha, aro ma ghi gie iran ya bẹghe rhunmwuda, iran i mwẹ evbare.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Jerimaia 8:18

Akhiẹ mwẹ i mwẹ ukhunmwu I khuọnmwi emianmwẹ udu.

Eve Orriara 1:16

“Ọna ọ sii ẹe ne aro mwẹ na rhọ ameve. A i miẹn ọmwa ne ọ gha sẹtin bọ mwẹ; ọmwa ne ọ gha sẹtin rhie ẹtin yọmwẹ iwu i rrọọ. Obọ avbe eghian gba mwẹ nẹ, emwa mwẹ i ghi mwẹ emwirhọkpa.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 5:18

Rhunmwuda Oke Zaiọn khian ne a lẹẹ sẹrae ọ keghi vbe divbiẹ, avbe ekuaghagha oha gha hẹyo hẹrre vbe avbe itowa ni rrọọ.

Ezikiẹl 14:15

“Ra, adeghẹ I gie aranmwẹ akọn ne ọ ya gbele emwa nii, ne ọ gha gie otọe nii vuọn ne ẹbe sẹrriọ wẹ a i ghi miẹn ọmwa ne ọ la ẹe gberra.

Ezikiẹl 27:2

“Ovbi ọmwa, so ihuan irorinmwi ne Taia,

Ezikiẹl 29:11

Ọmwa nagbọn ra aranmwẹ oha ighi ra dọlegbe khian lae gberra. Emwi rhọkpa i ra vbe gha rre evba la ukpo iyeva.

Ezikiẹl 33:28

I gha ye avbe okpẹvbo khian otọe ne ọ gbe ẹvbi. Ẹtin ne iran te ya ghagha nii gha sẹ ufomwẹ. Avbe oke ni rre Izrẹl gha khian ẹgbo sẹ vberriọ wẹ a i miẹn ọmwa ne ọ gha sẹtin khian la ẹe gberra.

Ezikiẹl 6:6

A gha dunmwu avbe okpẹvbo ni rre Izrẹl hia, a ghi vbe miẹn wẹ avbe Ogiukpo kevbe avbe ẹbọ iran hia ghi khian ne a guọghọ ua rẹnkhẹnrẹnkhẹn, avbe Ogiukpo eturari iran, a gha duẹ ehia a, a ghi ho emwi hia ne iran ru bẹkun.

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:19

I viẹ bu ruẹ rre Nọyaẹnmwa, rhunmwuda, otọe, irunmwu, kevbe avbe erhan hia kaka a. Ze vbe ne a miẹn wẹ erhẹn ọ to vbọ.

Emọs 5:1

Wa ne ivbi Izrẹl wa danmwehọ ihuan orinmwi ne I ra so yan uwa:

Emọs 5:16

Rhunmwuda ọnii, e Nọyaẹnmwa ne Udazi ne Oghodua khare wẹẹ, “Eve kevbe ugomwẹ akhiẹ gha rre ore ẹvbo nii. Uhin wẹ te a ra ya tie avbe ọgbugbo nii iran do deba iran ni miẹn igho viẹ eve orinmwi, gha khiẹ emwa ni wulo.

Maika 2:4

Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”

Maika 3:12

Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.