Jerimaia 8:7 - Edo Bible (E Baibol Ẹdo) Version 1996

⁷ Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Jerimaia 8:7 Iomraidhean Croise

Ihuan Ne Ọ Sọọ Ihuan Hia 2:12

A gha la hin adesẹ ẹvbo rre nẹ avbe obobo sa kua. Ẹghẹ ne a ya so ihuan ọ re ọna khin a họn ihuan ne avbe idu so vbe orere.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Habakọk 1:4

Te uhi ye mitan mitan, ẹ i vbe mwẹ esa, a i vbe bu ohiẹn ẹmwata. Emwa dan ghi gha rria ase emwa ẹmwata, rhunmwuda ọnii, te ohiẹn ghi khian ne a khiẹn bu.

Zẹkaraia 5:9

Mẹ ghi tọn aro mu, I ghi ya ghe ikhuo eva wa tin bu mwẹ dee, ifuẹn iran ni wegbe zẹ vbe ọghe avbe ahua, ọ re iran ya gha tin dee. Iran tọn okhuae nii mu, iran na mu ẹẹn tin kpao.