Jerimaia 8:6 - Edo Bible (E Baibol Ẹdo) Version 1996

⁶ I wa gbe ehọ kotọ gha danmwehọ, sokpan wa ma ta ẹmwata. A ma miẹn ọkpa ne ọ vbe khiẹ ye ẹmwẹ emwi dan ne ọ ru. A ma miẹn ọkpa ne ọ, vbe nọ wẹẹ, ‘De emwi ne I baku ru?’ Dọmwadẹ ọghọe wa rhie uhunmwu da odẹ ọre zẹ vbe ẹsin ne ọ khọn rrie okuo.

Jerimaia 8:6 Iomraidhean Croise

Job 10:2

Osanobua, ghẹ bu abe gbe mwẹ, tama mwẹ, de ẹzọ ne u gunmwẹ gui yi.

Job 34:31

E Job, u miẹn orukhọ ruẹ kue ma Osanobua nẹ ra? Ne u vbe yan ne u ghẹ ghi ru ọvbehe.

Job 34:32

U nọ Osanobua nẹ ra ne ọ rhie abakuru ruẹ ma ruẹn? U vbe kue nẹ ra ne u dobọ emwi dan ne a ru yi?

Psalm 14:2

E Nọyaẹnmwa keghi ke odukhunmwu ghe emwa nagbọn ghe, a deghẹ ọkpa rrọọ ne ọ mwẹ ẹwaẹn, ọkpa ne ọ vbe ga ẹe.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 57:17

Ohu iran te mu mwẹ rhunmwuda orukhọ kevbe uzuanmwẹ iran, rhunmwuda ọnii, mẹ keghi rri iran oya, I na he iran yotọ. Sokpan, iran keghi wa zevbudu, iran na gha ru khian vbene ọ yẹ iran.

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Jerimaia 23:25

I rẹn vbene iran kha hẹ ighe avbe akhasẹ nii, iran ni ya eni mwẹ ta ohoghe iran ghi do kha wẹ mẹ ọ re ọ gie iran uhunmwu vbe imina.

Jerimaia 3:5

Wẹ i ra wa gha mu ohu ghe mwẹ vbe ẹghẹ hia, u i ra mu ohu ne ẹ i mwẹ erọkhọ ghe mwẹ rhinrin ẹdẹ.’ Vberriọ ọ re u tae Izrẹl, vbene u ta ọ re ọnii khin, sokpan avbe emwi dan hia ne u gha sẹtin ru nii, u ru ẹe nẹ.”

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Ezikiẹl 18:28

Ọ do ghe uyinmwẹ ne irẹn yin, ọ keghi dobọ emwi dan ne a ru yi, vbe ne a i na gbe awẹawẹ, ẹ i wu, ọ gha diagbọnya.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Hagai 1:5

Wa ma miẹn emwi ne ọ ru uwa nian?

Hagai 1:7

Wa miẹn emwi ne ọ sii ẹe ne ọna na sunu?

Malakai 3:16

Ẹkpo nii, ọre iran ni muohan e Nọyaẹnmwa na gu egbe guan, e Nọyaẹnmwa keghi danmwehọ, ọ họn ẹmwẹ ne iran tae. A keghi sirra irẹn gbẹnnẹ ebe iran ye otọ ighe iran ni muohan e Nọyaẹnmwa, ne iran vbe ya ọghọ ne ẹẹn.

II Pita 3:9

Zẹ vbene emwa eso roro ẹe, ẹ i re te Nọyaẹnmwa ghi si ẹe kpẹe vbe otọ ighẹ emwi ne ọ wẹ rẹn ra ru, sokpan te ọ ziengbe rhunmwuda uwa, rhunmwuda, rẹn iho ne ọmwa rhọkpa fuan, sokpan ọ ho ne emwa hia fiwerriẹ hin orukhọ iran rre.

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.