Jerimaia 8:2 - Edo Bible (E Baibol Ẹdo) Version 1996

² Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Jerimaia 8:2 Iomraidhean Croise

II Ọba 17:16

Iran keghi rra uhi e Nọyaẹnmwa ne Osanobua iran hia, iran na ya ematọn ru ẹkhuia ẹmila eva ne iran gha ghoo. Iran kevbe ma amazẹ Asiẹrra ne ẹbọ ne okhuo, iran kegha gho avbe orhọnmwẹ, iran na gha ga avbe ẹbọ e Bal.

II Ọba 21:3

Ọ keghi dọlegbe bọlọ avbe aro ẹbọ Asiẹrra ne ẹbọ ne okhuo, zẹ vbene Ehab ne ọba Izrẹl vbe ru ẹe. E Manasẹ kevbe gha gho avbe orhọnmwẹ ba ẹre.

II Ọba 21:5

Ọ keghi mannọ Ogiukpo ọghe ne a na gho avbe orhọnmwẹ ye ugha eva ni rre Ọgua Osa.

II Ọba 23:5

Avbe emwa ne ọba e Juda te ya ma ohẹn ne iran gha zọ ese vbe aka ọghe avbe ẹbọ iran ni ga ẹbọ vbe adesẹ e Juda, kevbe ọkpẹn e Jerusalẹm, ọ keghi viọ iran hin ukpo rre, avbe ohẹn ni zọ ese ghe Bal, owẹn, uki, orhọnmwẹ nekhua, kevbe negiẹrẹ.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Psalm 83:11

Ru avbe ọkaolotu iran, zẹ vbene u ru ghe Orẹb kevbe Zib, khọn iran ni kha yan iran, zẹ vbene u ru e Zeba kevbe Zalmuna.

Asan-Ibo 6:3

Ọmwa sẹtin biẹlẹ emọ iyisẹn, ọ ghi vbe tọ ẹsẹse, sokpan, vbene ọ khọnrẹn ne ọ tọ sẹhẹ, a dẹghe ọyẹnmwẹ ma sẹ ọe vbene ọ te khẹ kẹe, a dẹghe a ma vbe re ẹre ẹse, ẹmwẹ ne I miẹn ta ye evba ọrọre wẹ, ọmọ ne okpa ma gbe ifuẹn na ọ re ọ wa maa sẹẹ.

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 22:19

Otiti ne ọ rre irorinmwi ekẹtẹkẹtẹ, ọ re a ra ya si ẹe ladian a ghi fi ẹe fua. Vbe a ladian onurho e Jerusalẹm rre nẹ.”

Jerimaia 25:33

Ọ gha sẹ ẹdẹ nẹdẹrriọ ikun avbe emwa ne Nọyaẹnmwa gbele ghi ye bẹẹrẹ lele otọe ke obọkpa vbe ehe ne agbọn sẹe ya sẹ obọ nọkpa. A i miẹn ne ọ gha khiẹ iran, a i ra vbe viọ iran kpao ne a ya re iran. Ehia gha rre otọ bẹẹrẹ vbe ẹtẹbọ ekẹn nekhui ne a ya ye otọe maa emwiokọ.

Jerimaia 31:40

“Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Jerimaia 36:30

Rhunmwuda ọnii nian, mẹ ne Nọyaẹnmwa tama ruẹn, wẹ ne Jehoiakim ne ọba wẹ, a i ra miẹn ovbuẹ ne ọ gha rriọba yan otọ arriọba e Devid. A gha mu ikun ruẹn fua fi ehe ne ovẹn gha na gha gbe ẹe vbe avan amẹ ghi gha guẹguẹ yan rẹn vbe asọn.

Jerimaia 9:20

Mẹ keghi kha wẹẹ, “Wa ne ikhuo, wa danmwehọ e Nọyaẹnmwa, ne uwa vbe rhie ehọ ye ẹmwẹ ọnrẹn, wa ma ivbi uwa nikhuo vbene a khiẹ hẹ, kevbe avbe ọse uwa vbene a so ihuan irorinmwi hẹ.

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Jerimaia 9:22

Ikun orinmwi wa tagha lele ehe hia zẹ vbe emwi ne ọ ya otọ khian nọmaa emwiokọ nibun, zẹ vbe ọka ne iran ni rhọ emwiokọ giagia nẹ, iran na sẹ ọe rae, avbe ọka ne ọmwa rhọkpa ma viọ. Ẹmwẹ ne Nọyaẹnmwa wẹ ne I ta ọ re ọnii khin.”

Ezikiẹl 29:5

I ghi fi ọ fi avbe ehẹn nii ku uwu ato. Ikinnegbe ruẹ ghi degbotọ, a ghi sẹ ọe rae ye evba vbe ne a i na re ẹre, I gha mu ẹẹn ne avbe ahianmwẹ kevbe aranmwẹ ne iran gha re.

Ezikiẹl 39:5

Iran gha dele wu vbe oha ne gbẹlẹzẹ. Mẹ ne Nọyaẹnmwa ne Udazi ọ re ọ tae.

Ezikiẹl 6:5

I gha zagha ikun orinmwi ivbi Izrẹl, I gha zagha ugboloko iran lẹga nene Ogiukpo.

Ezikiẹl 8:16

Ọ na rhie mwẹ gha rrie ọgua ne ọ ke uwu ẹre vbe Ọgua Osa. A ghi do ghe ikpia isẹn yan ugie mudia ye ẹkpo onurho ne a la la uwu ehe nọhuanrẹn kevbe ogiukpo. Iran viọ iyeke da ehe nọhuanrẹn. Iran wa kakabọ ghughẹrre ghe odẹ ahọ, iran gha ga owẹn ne ọ da yan rre dee.

Zẹfanaia 1:17

E Nọyaẹnmwa khare wẹẹ, “I gha gie emwi nọ wegbe rruan emwa ne agbọn sẹrriọ wẹ edọmwadẹ ọghe ọe ghi gha ye obọ baba odẹ khian zẹ vbe arhuaro. Iran rukhọ ghe mwẹ nẹ, banbanna nian, te a ghi ra gbe esagiẹn iran ye otọ zẹ vbe amẹ, ikun orinmwi iran ghi vbe gha kẹkẹ ua vbe otọ.”

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Iwinna 7:42

Sokpan Osanobua fi iyeke gbe iran, ọ keghi gie iran gha gho avbe orhọnmwẹ ni rre aro iso, zẹ vbene agbẹn ọẹn ye ebe avbe akhasẹ: “ ‘Wa ne ivbi Izrẹl, ẹ i re imẹ wa gbele aranmwẹ ya zọ ese na, la ukpo iyeva vbe uwu ato.

Diuteronomi 17:3

Vbekpa ne iran na ga kevbe ne iran na gho ẹbọ ọvbehe ra owẹn, uki ra avbe orhọnmwẹ emwi ne Nọyaẹnmwa wẹ ne a ghẹ ru.

Diuteronomi 4:19

Wa ghẹ gie a ya ẹe danmwẹ uwa ghe ne uwa gha ga emwi ne uwa bẹghe vbe iso, owẹn, uki, kevbe orhọnmwẹ. Nọyaẹnmwa Osanobua mwa viọ ena ne emwa ọvbehe hia gha gho nẹ.