Jerimaia 8:16 - Edo Bible (E Baibol Ẹdo) Version 1996

¹⁶ Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Jerimaia 8:16 Iomraidhean Croise

Job 39:20

Wẹ ọ ru ẹe ne iran gha san vbe irhiso ra ne iran na vbe tin ihin ya runran emwa?

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Jerimaia 10:25

Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.

Jerimaia 3:24

Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 30:5

“I họn utumwẹ afianma, utumwẹ ohan ne ẹ i vbe re ọghe ọfumwegbe.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Jerimaia 4:7

Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 47:3

Iran gha họn ukpukpẹ owẹ avbe ẹsin, e khuanghankhuanghan ọghe ikẹkẹ okuo, kevbe okhirhikhirhi owẹ ikẹkẹ, erha emọ i ra werriegbe ya viọ ivbi iran, obọ iran gha wu ginna iran egbe.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Jerimaia 50:42

Iran viọ uhanbọ kevbe umozo iran mwẹ obọ nẹ ekhọe iran wegbe, iran i vbe mwẹ itohan urhu iran yevbe ọghe okun ne ọ vannọ vbe iran a gha hin ẹsin iran khian. Iran mu egbe ne iran ya khọn e Babilọn.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Nahum 3:2

Gha họn vbene asan tu hẹ, owogho owẹ imọto, igiawẹ ẹsin ni vbọlọ ghe ukhunmwu edobidokpannọ ọghe ikẹkẹ okuo!

Habakọk 3:10

Ugbẹn vbe avbe oke nekhua bẹghe ruẹ, iran kegha guọ zẹzẹzẹ, amẹ keghi ke iso hihiẹ rre. Amẹ ne ọ rre ototọ otọ vannọ ọẹn, ubi mwẹ amẹ ọnrẹn keghi hue ẹsẹse.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

I Kọrinti 10:28

Sokpan, a deghẹ a ghi tama ruẹn nẹ wẹ, “Ẹbọ ọre a ya emwi na ru,” ghẹ rri ọe rhunmwuda ọmwa ne ọ tama ruẹn ni kevbe rhunmwuda osẹe ekhọe.

Giọgis 18:29

Iran keghi fi eni ẹvbo nii werriẹ hin Lais rre gha tie ẹre Dan zẹ vbene a tie erha iran odede ighẹ Dan ne ovbi e Jekọb.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 5:22

Avbe ẹsin kegha gbe ọguọguọ khian, iran na gha solo ibata iran ye otọ.”