Jerimaia 8:13 - Edo Bible (E Baibol Ẹdo) Version 1996

¹³ “Te I te ra si emwa mwẹ koko zẹ vbene ọmwa rhọ emwiokọ ẹre si koko, sokpan, iran yevbe azara ne ọ ma mọ ọmọ, kevbe erhan ohọ ne ọ ma mọ, uhin ighẹ ebe ni rrọ luẹluẹ nẹ. Rhunmwuda ọnii, I keghi fan obọ ẹre ne avbe ọrriọvbe ya otọe nii khian ọghe iran.”

Jerimaia 8:13 Iomraidhean Croise

Aizaia 5:10

Azara ne a kọ ye awowo otọe isẹn, egalọn ofigbọn isẹn kẹkan ọre a ra gha miẹn vbọ. Ẹgbẹdin emwiokọ enẹ ne a ya kọ, ẹgbẹdin emwiokọ ọkpa kẹkan ọre a gha vbe gha rhọ vbọ.”

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 14:15

Mẹ ne Nọyaẹnmwa tama ruẹn emwi ne I ra ru iran re ighẹ avbe akhasẹ ne I ma gie ẹre uhunmwu, sokpan, iran ke ya gha ya eni mwẹ guan wẹ okuo kevbe ohanmwẹ i ra gbe otọe na. I gha gbele iran vbe okuo kevbe ohanmwẹ.

Jerimaia 17:8

Te irẹn yevbe erhan ne ọ zọọ vbe ọkpẹn ẹzẹ, ne ọ vbe zẹẹ inian ya fi uwu amẹ ohan i mu ẹẹn vbe uyunmwu a rre rhunmwuda, ebe ẹre ghi ye biua nunuunu ẹ i vbe hawa vbe amẹ ma rhọ ọ ghi ye gha mọ khian.

Jerimaia 5:17

Iran gha rri emwiokọ kevbe evbare uwa fo. Iran gha gbele ivbi uwa nikpia kevbe nikhuo, iran gha gbele avbe ohuan kevbe ẹwe uwa, iran gha dunmwu ogba azara kevbe erhan ohọ uwa hia a. Ẹvbo ne a gbe odin ga ne uwa mu ẹtin yan, ivbiyokuo iran gha guọghọ ẹe rua.

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Joẹl 1:7

Iran mu erhan alimo ayọn ima rhia, iran vbe ya akọn lọọ erhan ohọ ima an iran kpalọ ikpakpa ẹre kua, a te do miẹn wẹ te abọ ẹre ghi fuọfua.

Levitikọs 26:20

Ẹsọn ne uwa gha miẹn hia, ọma ọkpa i ra kọe ladian, rhunmwuda, otọ ruẹ i ra ma emwiokọ, erhan ruẹn i ra vbe mọ.

Habakọk 3:17

A gha rhe miẹn ighẹ avbe erhan ohọ i mwẹ ọmọ, kevbe wẹ alimo ayọn i rre uhunmwu erhan azara, a gha rhe miẹn wẹ oliv ma maa, I ghẹ ugbo ma maa ọka, a gha rhe miẹn wẹ avbe ohuan hia wulo, i ghẹ ẹmila rhọkpa i rre irhu.

Hagai 1:11

“I gie amẹ nọkhua mu vbe otọe nii, vbe uhunmwu oke ẹre, ohọka ẹre, ogba aranmwẹ oha, kevbe emwi hia ne a ghi miẹn rhọ ẹre emwiokọ vbe otọ.”

Hagai 2:17

I gie ẹhoho kevbe owowo ne ọ giẹn emwi uan ne ọ do rhia emwi ne uwa te kọ hian a, sokpan, wa ma ye ro iro fi uyinmwẹ werriẹ.

Malakai 3:11

Mẹ i ra kue ne ọkhọe rri uwa emwiokọ, alimo ayọn gha vbe vuọn uhunmwu erhan azara ọghe uwa.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Jems 1:11

Ovẹn ghi yan rre ke ẹe kevbe owowo ẹre ne ọ giẹn emwi ruan, ọ ghi giẹn ovbi erhan nii uan, obobo ẹre ghi kha kha kua, ose ẹre ghi la ọ rhiae rrie. Erriọ vbe nọ ọmwa ne ọ fe gha vbe la ọrhiae rrie, vbe uwu ehe ne ọna ru emwamwa iwinna rẹn.