Jerimaia 8:1 - Edo Bible (E Baibol Ẹdo) Version 1996

¹ “Ọ gha sẹ ẹghẹ nii, a gha vulo iran ladian vbe uwu idin ighe ugboloko avbe ọba, kevbe avbe ekhaẹmwẹ e Juda, deba ọghe avbe ohẹn kevbe avbe akhasẹ kevbe ọghe avbe emwa ọvbehe ni gha rre Jerusalẹm.

Jerimaia 8:1 Iomraidhean Croise

I Ọba 13:2

Zẹ vbene e Nọyaẹnmwa gie, akhasẹ nii keghi ya yan aka nii, ọ wẹẹ: “Aka o, aka, vbenian ọre Nọyaẹnmwa khare: A gha biẹ ọmọ okpia ọkpa nẹ Devid, a ghi gha tie eni ọmọ ni e Josaia. Ọ gha gbele avbe ohẹn ni do gha ga vbe aro ẹbọ enimayayi na, iran ni zọ ese vbe uhunmwu ruẹn, ọ ghi giẹn ugboloko emwa ne agbọn yan ruẹn.”

II Ọba 23:16

E Josaia ghi ghe lẹga, ọ na ya deghẹ avbe idin ne a ma ẹẹn eso vbe uhunmwu oke, ọ na wẹ ne iran zọlọ ugboloko ni rrọọ ladian, ọ na giẹn iran vbe Ogiukpo, erriọ ọ na ya Ogiukpo khian ne a ya awua murhia, ọ keghi ru emwi ne akhasẹ ka ta ye otọ nẹ vbe ẹghẹ ne ọ gberra vbe ẹghẹ emwiukpo vbe Jeroboam mudia ye ọkpẹn Ogiukpo, e Josais ne ọba ghi ghe lẹga, ọ keghi ya deghẹ idin akhasẹ ne ọ ta ẹmwẹ na ye otọ.

II Ọba 23:20

Ọ keghi gbele avbe ohẹn ẹbọ yan Ogiukpo ne iran na gho ẹbọ, ọ na giẹn ugboloko vbe dọmwadẹ Ogiukpo, ọ keghi werriegbe gha die Jerusalẹm.

II Ọba 9:37

a gha zanzan ikun ẹnrẹn ku evba zẹ vbe isan ẹmila sẹrriọ wẹ ọmwa rhọkpa ighi rẹn ehe ne ọ khin vbe egbe!’ ”

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Ezikiẹl 37:1

Ẹtin ọghe Nọyaẹnmwa keghi hin yan mwẹ, orhiọn rẹn keghi tọn mwẹ mu, ọ na ya mu mwẹ yotọ vbe iya ọkpa ne a miẹn wẹ ugboloko ni kae ọ re ọ wa vuọn rẹn.

Ezikiẹl 6:4

A gha siẹn avbe Ogiukpo ni rrọ sotọ, a gha vbe dunmwu avbe Ogiukpo eturari hẹ kua. A gha gbele emwa hia ni rre evba ye odaro ẹbọ nii.

Ezikiẹl 6:5

I gha zagha ikun orinmwi ivbi Izrẹl, I gha zagha ugboloko iran lẹga nene Ogiukpo.

Emọs 2:1

E Nọyaẹnmwa khare wẹẹ, “Te ivbi e Moab wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran wa ye ugboloko avbe Idọm khian ne a ma ya ọghọ na, vbe ekpa ne iran na giẹn iran vbe erhẹn ya khian emuẹn.