Jerimaia 7:22 - Edo Bible (E Baibol Ẹdo) Version 1996

²² Ẹghẹ ne I na viọ avbe erha uwa odede ke Igipt ladian, I ma yi iyi ma iran vbekpa ese ne a giẹn uan ra ese ọvbehe ne ọ rhirhi a gha khin.

Jerimaia 7:22 Iomraidhean Croise

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Jerimaia 32:30

Wa ke omuhẹn okha ẹdagbọn iran kpao, ọ re ivbi Izrẹl kegha ho mwẹ ẹmwẹ, iran na gha ye ohu mu mwẹ vbekpa emwi ne iran ru.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Matiu 9:13

Wa gualotọ emwi ne a ya ẹmwẹ ne ọ rre ebe nọhuanrẹn na kha, ‘I ma wẹ ne uwa ye aranmwẹ zọ ese ghe mwẹ, itohan ọre iho.’ I ma rre do tie avbe adazẹ vbe ẹ i re avbe ẹwobi emwa.”

Iyẹn ne ọ Maan Ọghe Mak 12:33

Kevbe wẹ, te ọ kere ne ọmwa gha ya ekhọe ẹre hia, ẹko ẹre hia, kevbe ẹtin ẹnrẹn hia ho ẹmwẹ Osanobua kevbe nọ ho ẹmwẹ ogieva ẹre zẹ vbe egbe ẹre. Ne a gha mu Uhi eva na sẹ ọre ọ maa sẹ ne a gha viọ aranmwẹ rre do gha giẹn vbe uhunmwu aka Ogiukpo kevbe ne a gha zọ ese ghe Osanobua.”

Diuteronomi 17:3

Vbekpa ne iran na ga kevbe ne iran na gho ẹbọ ọvbehe ra owẹn, uki ra avbe orhọnmwẹ emwi ne Nọyaẹnmwa wẹ ne a ghẹ ru.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.