Jerimaia 7:19 - Edo Bible (E Baibol Ẹdo) Version 1996

¹⁹ Sokpan mẹ ọ re iran gele ye ohu mu ra. Ẹn o, egbe iran ọ re iran ru khọ, iran na vbe gha fa egbe iran an.

Jerimaia 7:19 Iomraidhean Croise

Ẹzra 9:7

Ke ẹghẹ avbe erha mwa odede gha dee do sẹ banbanna, ma ne emwa ruẹn kakabọ ru orukhọ ẹsẹse, rhunmwuda orukhọ ne ima ru, ma kevbe avbe ọba mwa kevbe avbe ohẹn mwa, keghi dele ye obọ avbe ọba ẹvbo ọvbehe, a keghi rẹnkhẹn ima, a rha ima, a keghi vbe do ima emwi viọ, a keghi vbe munọ ima oghunmwu. A keghi wa fa ima an fẹfẹẹfẹ, zẹ vbe ne ima ye ye ẹdẹnẹrẹ na.

Job 35:6

U gha rukhọ, ọnii ma mwẹ emwi ne ọ ru Osanobua ẹre. Deghẹ te u vbe gha ru orukhọ yan egbe, ọ ma si emwi rhọkpa ye ọre egbe.

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 45:16

Te ekhue ra gha mu iran ni ma amazẹ hia a gha fa iran hia a.

Jerimaia 15:9

Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 22:22

Ẹhoho gha hoho avbe ọkaolotu ruẹ gha rrie, a gha munọ iran ni deba ruẹ zẹvbe oghunmwu okuo. A gha fa ẹvbo ruẹ, ekhue gha mu ẹẹn rhunmwuda emwi dan hia ne u ru.

Jerimaia 25:7

Sokpan, e Nọyaẹnmwa tobọ ẹre khare wẹ wa he ne uwa danmwehọ irẹn, wa keghi ya ẹmwẹ amazẹ uwa ya ẹe mu ohu, wa keghi ya obọ uwa sii ẹe rrie egbe ighẹ oya ne ọ rrii uwa ẹre.

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 44:3

Rhunmwuda, emwa iran ru emwi dan ne iran na ya ohu mu mwẹ. Iran zọ ese ghe avbe ẹbọ ọvbehe; iran kevbe gha ghoo avbe ẹbọ ne iran tobọ iran, ra uwa, ra avbe erha uwa odede ma gho ẹdẹ.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Jerimaia 9:19

Wa danmwehọ urhu eve vbe Zaiọn, “Ọghe ima fo nẹ! A fa ima an fẹẹrẹ. Te ima gha kpa vbe otọe mwa, I iran guọghọ ima owa a nẹ.”

Ezikiẹl 16:26

Emwa ẹdogbo ruẹ ne ọ fifi ẹre egbe ighe ivbi Igipt, u ke vbe gie iran guẹ ru emwi, u keghi ye igberagia ne u gbe gha ya ohu mu mwẹ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 32:16

Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.