Jerimaia 7:11 - Edo Bible (E Baibol Ẹdo) Version 1996

¹¹ Te uwa ro ighe Ọgua Osa mwẹ, ehe ne avbe izigan lẹre yi nọ ra? I bẹghe emwi ne uwa ru nẹ.

Jerimaia 7:11 Iomraidhean Croise

II Krọnikol 6:33

Rọn erhunmwu ẹnrẹn. Họn ọghe ọe vbe ẹrinmwi ne u ye, ne u ru emwi ne ọ nọ rẹn ne ẹẹn, ne emwa ne agbọn hia miẹn ehe na rẹn ruẹn, ne iran vbe gha họn ẹmwẹ ruẹn vbene ivbi Izrẹl ne emwa ruẹn ru. Ẹghẹ nii, iran ghi do rẹn wẹ, Ọgua Osa ne I bọe na ọrọre ehe ne a gha na gha ga a.

Aizaia 1:12

Gha tama uwa wẹ ne uwa gha viọ ena hia bu mwẹ rre vbe uwa a do ga mwẹ yi? Gha ọ wẹ ne uwa do gha gbe ukpukpẹ na vbe Ọgua Osa mwẹ yi?

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Jerimaia 2:34

Esagiẹn ivbiogue kevbe iran ni ma rukhọ wulo lele uwa ukpọn, ẹ i re esagiẹn avbe ikpata oyi. “Sokpan, vbene uwa ye ru ena hia sẹ.

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Jerimaia 29:23

Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”

Jerimaia 7:10

Wa ru avbe emwi na ne ẹ i yẹ mwẹ, wa ghi vbe do gha mudia ye odaro mwẹ, vbe uwu ọgua Osa mwẹ, wa ghi vbe gha kha wẹẹ, ‘Ma rrọ vbe ai mwẹ ẹbe!’

Ezikiẹl 35:13

I họn ẹmwẹ ọpakharha ne u gha ta gun mwẹ.”

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Matiu 21:13

Ọ tama iran wẹẹ, “A gbẹn ọẹn ye uwu ebe wẹẹ Osanobua khare wẹẹ, ‘Owa erhunmwu ọre a gha tie owa mwẹ?’ Sokpan wa ya ẹe khian ẹgun oyi!”

Iyẹn ne ọ Maan Ọghe Mak 11:17

Ọ keghi ma avbe emwa ni re wẹẹ, “A gbẹn ọẹn ye uwu Ebe wẹ Osanobua khare wẹẹ, ‘Owa mwẹ owa erhunmwu ọghe emwa hia ọre a gha tie ẹre re,’ sokpan wa fiẹe werriẹ khian ẹgun avbe oyi!”

Iyẹn ne ọ Maan Ọghe Jọn 2:16

Ọ keghi tama iran ni khiẹn elikhukhu wẹẹ, “Wa viọ iran hin emwa rre, wa ghẹ ya owa Erha mwẹ khian ẹki.”

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.