Jerimaia 7:10 - Edo Bible (E Baibol Ẹdo) Version 1996

¹⁰ Wa ru avbe emwi na ne ẹ i yẹ mwẹ, wa ghi vbe do gha mudia ye odaro mwẹ, vbe uwu ọgua Osa mwẹ, wa ghi vbe gha kha wẹẹ, ‘Ma rrọ vbe ai mwẹ ẹbe!’

Jerimaia 7:10 Iomraidhean Croise

I Ọba 9:3

E Nọyaẹnmwa keghi tama rẹn wẹẹ, “I họn erhunmwu ruẹn ne, I ya Ọgua Osa ne u bọ ẹe khian ne ọ huanrẹn zẹ vbe ehe ne a gha na gha ga mwẹ rhinrin ẹdẹ. I gha gbe aro ghe ẹre, I gha vbe degue ẹre rhinrin ẹdẹ.

II Ọba 21:4

Ọ keghi mannọ Ogiukpo iran ni ga ẹbọ lele uwu Ọgua Osa, ehe ne Nọyaẹnmwa khare ighẹ a gha na gha ga irẹn.

II Krọnikol 33:4

Ọ keghi mannọ aro ẹbọ lele uwu Ọgua Osa, ehe ne e Nọyaẹnmwa khare ighẹ a gha na gha ga irẹn ẹdẹdẹmwẹdẹ.

II Krọnikol 33:7

Ọ keghi mu amazẹ ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ: “Emwa na vbe Jerusalẹm, vbe Ọgua Osa na, ọ re ehe ne I zẹe vbe otọe ẹwae iweva ni rre Izrẹl, wẹ, a gha na gha ga mwẹ.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Aizaia 48:2

Sevba wa ghi ye gha ya unu hia tae wẹ ivbi ore nọkhua ọghe ẹvbo nọhuanrẹn nii ọ re uwa khin, kevbe wẹ Osanobua Izrẹl ọ re uwa ya egbe kọ ọmwa ne eni ẹnrẹn re e Nọyaẹnmwa ne Oghodua.

Jerimaia 32:34

Uhin ighẹ te iran ya mu amazẹ ẹwia iran ye uwu Ọgua Osa, ehe ne a bọe ne a na gha ga mwẹ, iran mu awua yọ nẹ.

Jerimaia 34:15

Vbe nẹdẹ eso na, wa keghi fi ekhọe werriẹ, wa na ru vbene ogha yẹ mwẹ. Wa hia keghi ya obọ yọ, wa na wẹ wa ra fannọ avbe eviẹn uwa ni re ivbi Izrẹl kua, wa hia na sirra mwẹ taa ile vbe Ọgua Osa vbe ehe ne a na ga mwẹ.

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Jerimaia 7:11

Te uwa ro ighe Ọgua Osa mwẹ, ehe ne avbe izigan lẹre yi nọ ra? I bẹghe emwi ne uwa ru nẹ.

Jerimaia 7:14

Rhunmwuda ọnii, emwi ni ya Siailo khian, ọ re I ra ya Ọgua Osa mwẹ na ne uwa mu ẹtin ya khian.

Jerimaia 7:30

“Ivbi e Juda ru emwi dan ọkpa, iran ya viọ amazẹ iran ne ọ sọnnọ mwẹ ye uwu Ọgua Osa mwẹ, iran keghi mu awua yọ.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Ezikiẹl 23:29

Rhunmwuda ne ohu ruẹ na mu iran, iran gha viọ emwi ne u he khuan hia, iran ghi bannọ uan zẹ vbe ebabotu, orriarria kevbe ebabotu ne u gbe

Ezikiẹl 23:37

Iran ghẹre, iran de izigha, iran ru ọghe vbekpa ẹbọ ne iran gho, iran de izigha vbe ne iran na gbele emọ ikpia ne iran biẹlẹ mẹ. Iran ya ivbi mwẹ emọ ikpia gha zọ ese ne ẹbọ iran.

Ezikiẹl 23:39

Ẹdẹ ne iran gbele ivbi mwẹ nikpia ya zọọ ese ne ẹbọ, iran keghi vbe gha die uwu Ọgua Osa mwẹ do mu awua yọ!

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Ezikiẹl 5:11

Rhunmwuda ọnii, zẹ vbe Osanobua ne ọ rrọọ ne imẹ khin, vbenian ọ re e Nọyaẹnmwa ne Udazi khare, rhunmwuda ne uwa na ye avbe emwi dan ni hu ẹko ne uwa ru mu awua ye Ọgua Osa mwẹ, I gha giagia uwa gbotọ vbe ne a i na mwẹ itohan.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Hozia 6:9

Avbe ohẹn ni rrọ yevbe otu ikpata ni ya gha gba khẹ ọmwa vbe odẹ. Uhin ighẹ te iran ye do izigha vbe odẹ ne a la yo e Siẹkẹm ne ehe nọhuanrẹn. Avbe emwi dan ne iran ru na hia, te iran wa yan ru ẹe.

Emọs 4:5

Wa gie obọ kẹe ne uwa ya ye ebrẹd kpọnmwẹ Osanobua, ne uwa vbe gha ya ee rhuọ khian ighe emwi ne uwa ya ru yan emwi ihaoko. Egbe emwi vberriọ ọre a na miẹn uwa.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Malakai 3:15

Vbene ima ghi ghe ẹre na, iran ni tọn egbe mu ọ re ọ ghi rre uwu oghọghọ. Ẹire wẹ te agbọn wa ma emwa dan ọkpa, sokpan iran ghi ye uyinmwẹ dan iran danmwẹ Osanobua ghe ne egbe wọ ẹre, a i vbe ru iran emwirhọkpa.’ ”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’

Iyẹn ne ọ Maan Ọghe Jọn 18:28

Iran keghi mu Jesu ke owa Kaiafas kpao gha rrie ẹguae Ne ọ khaemwisẹ. Owiẹ vbirrivbirri nọ. Avbe Ju ma ho ne iran la uwu ẹguae rhunmwuda ne iran ghẹ ru awua, ne iran miẹn ehe na rrie evbare Alagberra.