Jerimaia 6:8 - Edo Bible (E Baibol Ẹdo) Version 1996

⁸ Ivbi e Jerusalẹm, wa gie avbe ọlọghọmwa na gha bu uwa ude, ne I ghẹ ya he uwa yotọ, I ghi ya ore ẹvbo rua khian ato, ehe ne ọmwarhọkpa i yin.”

Jerimaia 6:8 Iomraidhean Croise

Psalm 2:10

Rhunmwuda ọnii, wa danmwehọ obọ ne a ya sekhae ne uwa na, wa ne ọba, wa vbe ruẹ iruẹmwi na, wa ni khaemwisẹ agbọn na.

Psalm 50:17

Wa wẹ wa i kue ne I dia uwa, wa he iyi mwẹ ye otọ.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Itan 19:20

Adeghẹ wẹ họn vbe a gha bu ruẹ ude, u na vbe mu ẹghẹ ne u ya ruẹ emwi, u gha he gha wan ẹdẹ ọkpa.

Itan 4:13

Gha ye emwi ne u ruẹ re hia rre. Emwi ne u ruẹ re ọrọre ẹdagbọn ruẹn — dae yi ẹse.

Jerimaia 17:23

Avbe erha iran odede ma họn ẹmwẹ mẹ ra ne iran zẹ yọ mwẹ re. Sokpan iran keghi ze vbe udu, iran ma họn ẹmwẹ mẹ amawẹ ne iran ruẹ emwi vbe ehe ne I ye.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 31:19

Ma fi iyeke gbe uwẹ sokpan, vbe ọ ma ghi kpẹe, ma keghi gha ho ne a werriegbe rre, ugbẹn vbe uwẹ ghi rri ima oya nẹ, ma keghi gha khua uhunmwu akhiẹ khian. Ekhue mu mwa, a fa ima an, rhunmwuda, ma rukhọ vbe ima ye giẹrẹ.’

Jerimaia 32:33

Iran fi iyeke iran gbe mwẹ. a gha rhe miẹn wẹ te I gha ma iran emwi khian, iran ma danmwehọ ne iran vbe ruẹ emwi rhọkpa.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Ezikiẹl 23:18

Rẹn keghi wee egbe ẹre uhe ua ne agbọn miẹn, ọ keghi vbe gie emwa hia rẹn wẹ ọmwa ne ọ kẹkẹẹ ua rẹn khin. Vbene ẹmwẹ ọtiọnrẹn wa gha sọnnọ mwẹ erriọ Ọ re ẹmwẹ irẹn wa vbe gha sọnnọ mwẹ.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Levitikọs 26:34

Ẹghẹ nii, otọe nii ghi do hẹko hẹwẹ egbe ne uwa ma te rhie ẹghẹ ọre nẹ. Ọ ghi gha rre evba vbe ne a na kpao sẹ ọe rae, ọ ghi hẹwẹ vbe ẹghẹ ne uwa gha ya gha rre imu vbe ẹvbo avbe eghian uwa.

Zẹfanaia 3:7

I te gha ro wẹ emwa mwẹ gha rhunmwuda ọnii da mẹ, ne iran rhan obọ miẹn emwi enọrẹn enegbe ne ima iran re, wẹ iran i ra mianmian emwi ne I ma iran re ẹdẹ. Sokpan, wanwanna, iran keghi wa suẹn gha ru emwi dan ne iran ka ru de yi.”

Diuteronomi 32:29

Iran ma sẹtin rẹn emwi ne ọ gie obọ ke okhunmwu ne iran, iran ma sẹtin rẹn otọ emwi ni sunu.