Jerimaia 6:7 - Edo Bible (E Baibol Ẹdo) Version 1996

⁷ Zẹ vbene uhae ya amẹ ọnrẹn ru ọgbọngbọn, erriọ ọ re Jerusalẹm ye orukhọ ẹre ru ọgbọngbọn. I họn ẹmwẹ ọkhọ ọfuan vbe ore ẹvbo nii. Emianmwẹ kevbe ẹwẹn okpa ọ re I bẹghe vbọ.

Jerimaia 6:7 Iomraidhean Croise

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Aizaia 1:6

Wa ke adesẹ uhunmwu ya sẹ owẹ, ihọkpa ne ọ gbae i ghi rre egbe uwa. Ẹwẹn ivbi ẹtẹ kevbe okobẹtẹ gba uwa egbe hia. A ma kpe uwa ẹwẹn ra ne a gbalọe. A ma rhie ukhunmwu ye rhọkpa.

Aizaia 57:20

Sokpan te emwa dan yevbe okun ne ọ hẹ yo hẹ rre, ne ulẹmwẹ ọnrẹn idobọ yi ne ọ na vẹ ladian, ọ ghi ya gha viọ iku kevbe isan ẹmila rre.

Jerimaia 20:8

Ẹghẹikẹghẹ ne I rhirhi a ya guan I ghi gha tie, “Ọkhọ kevbe Ọfuan.” Nọyaẹnmwa, I khian ne a ghi ya gbe ogie kevbe ne a zan vbe ẹghẹ hia, rhunmwuda ighẹ I ta uhunmwu ne u gie.

Jerimaia 30:12

E Nọyaẹnmwa keghi tama avbe emwa rẹn wẹẹ, “Ẹwẹn uwa i mwẹ ikhunmwu, ẹtẹ uwa i gia kpe ne ọ rrie.

Jerimaia 30:13

A i miẹn ọmwa ne ọ ra gbearoghe uwa, ukhunmwu ne a ra ya ye uwa ẹtẹ i rrọọ, idaehọ i rrọ ighe a gha sẹtin sinmwi uwa.

Jerimaia 30:15

Wa ghẹ ghi talọ ye ẹmwẹ ẹwẹn uwa, ukhunmwu ne ọ ra mu uwa egberran i rrọọ I rri uwa oya vberriọ rhunmwuda orukhọ uwa bun uyinmwẹ dan uwa vbe kpọlọ.

Jerimaia 32:31

Emwa ni rre ẹvbo na, ya ohu mu mwẹ nẹ, ohu ọba nabe vbe ikpẹdẹ ne a wa mu ẹẹn gbọọ. I tae wẹ te I ra fuẹn ọnrẹn uan.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Ezikiẹl 21:29

ohoghe ọ re umian ne uwa miẹn khin. Ẹmwẹ ne uwa ta yotọ khẹ ọ dee, ohoghe nọ. Emwa dan ne ekhọe dan ọ re uwa khin, ẹdẹ uwa wa vbe dee, ẹdẹ ne a ra rri uwa oya ne okiekie, umozo gha de ye uwa ẹyaẹn.

Ezikiẹl 24:7

Iran de izigha vbe adesẹ ore ẹvbo, sokpan, iran ma gbe esagiẹn ọnrẹn ye ehe ne ebubẹ gha na degue ẹre, iran keghi wa gbe ẹe yan okuta ne ọ kpe yotọ.

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Ezikiẹl 7:11

Uyinmwẹ ikẹtin do khian ọghe ne a ya ru ọkhọ. Emwi ne ọ re ọghe iran, okpa ne ọ gha kẹe, ẹi rrọọ, ẹi ghi kẹe vbe ẹfe iran, ose iran ra uyi iran.

Ezikiẹl 7:23

“Emwi hia lighi ua, avbe izigha gba otọe hia, uyinmwẹ ikẹtin vbe gba ore ẹvbo.

Zẹfanaia 3:1

Ọghe Jerusalẹm fo, ọghe ọe fo ighe ẹvbo ne ọ sakan an, ne ọ vbe sọtẹ nii, ne ọ vbe wọ emwa rẹn tobọ ẹre uhunmwu.