Jerimaia 6:4 - Edo Bible (E Baibol Ẹdo) Version 1996

⁴ Iran gha kha wẹẹ, “Wa mu egbe ne a dekun e Jerusalẹm. Wa mu egbe! Ma gha dunmwu ẹẹn vbe ogiavan!” Sokpan, iran gha vbe kha wẹẹ, “Ọ kpee gbe nẹ, te ẹdẹ ghi ra mu, te aghọnghọn ota ghi wa tan.

Jerimaia 6:4 Iomraidhean Croise

Job 7:2

Ọ yevbe ọviẹn ne ọ gualọ irhu ne ọ gha lẹre yi. Zẹ vbe ọmwa iwinna ne ọ diakhẹ ne a ha irẹn osa.

Ihuan Ne Ọ Sọọ Ihuan Hia 2:17

Ẹhoho owiẹ te suẹn gha hoho ne a vbe ho ebiebi bẹkun. Dọlegbe gha dee enida mwẹ zẹ vbe uzo zẹ vbe ẹrhuẹ ọwẹe vbe oke Bẹtẹ.

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Jerimaia 15:9

Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 5:10

I gha gie avbe eghian ne iran do giagia azara emwa mwẹ ku otọ, sokpan, ne iran ghẹ wa fuẹn ọnrẹn uan fẹẹrẹ. I gha wẹ ne iran giagia ẹre abọ kua, rhunmwuda, avbe abọ nii i re ọghomwẹ.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Jerimaia 8:20

Emwa ni keghi datu wẹẹ, “Ukhunmwu rrie, ẹghẹ emwiorhọ gberra, a ma ye miẹn mwa fan.”

Joẹl 3:9

“Wa ya ẹmwẹ na wewe, ma avbe uhunmwu ẹvbo wẹẹ, ‘Wa mu egbe okuo; wa si iyokuo uwa koko ne uwa khianmwu!

Obedaia 1:1

Ẹmwẹ akhasẹ ne Obedaia miẹn ọre ọna khin ẹmwẹ ne Nọyaẹnmwa ne Udazi tae vbe ekpa Idọm. E Nọyaẹnmwa gie ukọ ẹre gha rrie avbe uhunmwu ẹvbo nẹ, ma vbe họn uhunmwu ne a gie iran re wẹẹ: “Wa mu egbe! Wa gie ima mu okuo gha rrie Idọm!”

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Zẹfanaia 2:4

Orhiọnkpa i vbe kẹe vbe ore Gaza. Askẹlọn gha khian ne emwa i ghi ye vbe a te wa ẹdẹ eva, a gha khulo emwa ni rre Asdọd kua fo, a gha khulo ivbi Ẹkrọn hin ẹvbo iran rre.