Jerimaia 6:3 - Edo Bible (E Baibol Ẹdo) Version 1996

³ Avbe ọba gha bu agọ ye evba deba ivbiyokuo iran. Iran gha bọlọ owa ukpọn iran ga ẹvbo nii, dọmwadẹ ọghọe vbe uwu iran gha hu agọ ye ehe ne ọ khọnrẹn.

Jerimaia 6:3 Iomraidhean Croise

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Nahum 3:18

Ọgbaisi Asiria, avbe gọvina ruẹn wulo nẹ, avbe emwa ni hin usi ruẹ vbe vbiẹ ovbe ne a i ghi na rhiọrre. A zagha emwa ruẹn hia lele uhunmwu oke ni yo, a ma miẹn ọmwa ne ọ gha ghi viọ iran gha die owa.

Iyẹn ne ọ Maan Ọghe Luk 19:43

Ghe, ẹdẹ ne u gha vba vbe egbe dee, avbe eghian ruan gha gbe odin lẹga ruẹ, iran ghi ke uẹ ye ako, iran ghi hẹ rhu uẹ vbe igienenẹ.