Jerimaia 6:1 - Edo Bible (E Baibol Ẹdo) Version 1996

¹ Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Jerimaia 6:1 Iomraidhean Croise

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Krọnikol 11:6

E Bẹtlẹhẹm, Etam, e Tẹkoa,

Nehimaia 3:14

E Malkija ne ovbi e Rakab, ne ọ kha yan otọ Bẹthakiẹrọn keghi bọ Onurho Otiku. Ọ keghi yi ẹkhu yọ, ọ na viọ asigbe kevbe ogba yọ ne a ya gha khui onurho nii.

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Jerimaia 10:22

Wa danmwehọ! Iran giee uhunmwu rre. Ẹvbo ọkpa vbe odẹ okuọ wa hu yo hu rre, ivbiyokuo ẹre gha ya avbe okpẹvbo e Juda khian ato, ehe ne avbe akuaghagha ghi dia.”

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 4:29

A ghẹ ghi họn owogho avbe iran ni hin ẹsin ke ni viọ uhanbọ mwẹ dọmwadẹ ọghọe gha lẹ fua. Eso gha lẹ la uwu ẹgbo, eso gha lẹ mu uhunmwu okuta nekhua hin, a gha sẹ dọmwadẹ ẹvbo rae vbe ihoi, a i ghi miẹn ọmwa ne ọ gha diẹe ya ọvbehe.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Zẹkaraia 6:6

Ikẹkẹ okuo ne avbe ẹsin nekhui si, keghi mu uhunmwu da odẹ okuọ gha rrie Babilọn. Avbe ẹsin nọfua keghi mu aro da odẹ orrie, iran ni gbẹnnẹ ekẹnnẹkẹnnẹ keghi mu aro da ẹvbo ni rre odẹ ekẹn.

Jọsua 15:63

Sokpan emwa Juda ma sẹtin khulo ivbi e Jebus ni rre Jerusalẹm ladian. Ivbi e Jebus ye deba ivbi Juda gha rre Jerusalẹm.

Giọgis 1:21

Sokpan ivbi ẹwae Bẹnjamin ma khulo emwa Jebus ni rre Jerusalẹm ladian. Wa ke ẹghẹ nii gha dee, te ivbi Jebus deba ivbi e Bẹnjamin gha rre Jerusalẹm.